मिरज : शहरातील बॅँक ऑफ इंडियाचे एटीएम मशीन फोडून अज्ञात चोरट्यांनी राजाराम कृष्णा जाधव (वय६०) या वॉचमनचा खून केल्याची घटना बुधवारी घडली. शहरातील वर्दळीच्या रस्त्यावर घडलेल्या या घटनेमुळे खळबळ उडाली आहे.
पंचायत समिती कार्यालयासमोर बॅँक ऑफ इंडियाची शाखा आणि एटीएम मशीन आहे. येथे जाधव हे रात्रपाळीच्या ड्युटीला होते. बुधवारी मध्यरात्री एटीएममध्ये अचानक शिरलल्या चोरट्यांनी जाधव यांच्या डोक्यात काठीने घाव घालून एटीएम मशीन फोडले. मात्र, चोरट्यांना एटीएममधील पैशाची पेटी फोडता आली नाही. त्यामुळे पेटीतील सुमारे दहा लाखांची रक्कम बचावली. बुधवारी सकाळी एटीएम मशीन फोडल्याचे आणि राजाराम जाधव यांचा मृतदेह बॅँकेच्या कर्मचाऱ्यांना दिसून आला. अधिकाऱ्यांनी पोलिसांना माहिती दिली. अतिरिक्त पोलिस अधीक्षक शशिकांत बोराटे, शहर पोलिस उपअधीक्षक धीरज पाटील, शहर पोलिस निरीक्षक सदाशिव शेलार, श्रीकांत पिंगळे आदींनी घटनास्थळी भेट देऊन पाहणी केली. जाधव याच्या हत्येसाठी चोरट्यांनी वापरलेली काठी मृतदेहाजवळ दिसून आली. खुर्चीवर बसलेल्या ठिकाणीच जाधव यांचा मृत्यू झाला. सीसीटीव्हीमध्ये दोन चोरटे एटीएम मशीन सोडताना दिसून आले आहेत. रात्री एक ते तीनच्या सुमारास ही घटना घडल्याचा पोलिसांचा संशय आहे. पोलिस चोरट्यांचा कसून शोध घेत आहेत. या प्रकरणी शहर पोलिसांत गुन्हा दाखल झाला आहे.
पंचायत समिती कार्यालयासमोर बॅँक ऑफ इंडियाची शाखा आणि एटीएम मशीन आहे. येथे जाधव हे रात्रपाळीच्या ड्युटीला होते. बुधवारी मध्यरात्री एटीएममध्ये अचानक शिरलल्या चोरट्यांनी जाधव यांच्या डोक्यात काठीने घाव घालून एटीएम मशीन फोडले. मात्र, चोरट्यांना एटीएममधील पैशाची पेटी फोडता आली नाही. त्यामुळे पेटीतील सुमारे दहा लाखांची रक्कम बचावली. बुधवारी सकाळी एटीएम मशीन फोडल्याचे आणि राजाराम जाधव यांचा मृतदेह बॅँकेच्या कर्मचाऱ्यांना दिसून आला. अधिकाऱ्यांनी पोलिसांना माहिती दिली. अतिरिक्त पोलिस अधीक्षक शशिकांत बोराटे, शहर पोलिस उपअधीक्षक धीरज पाटील, शहर पोलिस निरीक्षक सदाशिव शेलार, श्रीकांत पिंगळे आदींनी घटनास्थळी भेट देऊन पाहणी केली. जाधव याच्या हत्येसाठी चोरट्यांनी वापरलेली काठी मृतदेहाजवळ दिसून आली. खुर्चीवर बसलेल्या ठिकाणीच जाधव यांचा मृत्यू झाला. सीसीटीव्हीमध्ये दोन चोरटे एटीएम मशीन सोडताना दिसून आले आहेत. रात्री एक ते तीनच्या सुमारास ही घटना घडल्याचा पोलिसांचा संशय आहे. पोलिस चोरट्यांचा कसून शोध घेत आहेत. या प्रकरणी शहर पोलिसांत गुन्हा दाखल झाला आहे.