म. टा. प्रतिनिधी, कोल्हापूर
पुण्यातील बांधकाम व्यावसायिक डी. एस. कुलकर्णी यांच्यासह त्यांची पत्नी हेमंती आणि मुलगा शिरीष यांच्या अटकपूर्व जामीन अर्जावरील शुक्रवारी होणारी सुनावणी पुढे ढकलण्यात आली. सोमवारी (२ जुलै) अंतिम सुनावणी होणार आहे. या तिघांवर फसवणुकीचा गुन्हा दाखल आहे. गुंतवणूकदारांची १९ कोटींची फसवणूक झाली असून, सुमारे ३०० गुंतवणूकदारांचे पोलिसांनी जबाब घेतले आहेत. या तिघांना अटकपूर्व जामीन मिळावा, यासाठी त्यांच्या वकिलाने जिल्हा न्यायालात अर्ज दाखल केला आहे. 'या गुन्ह्यातील तिसरा संशयित आरोपी शिरीष कुलकर्णी हा पुणे पोलिसांच्या ताब्यात आहे. २ जुलैला त्याची पोलिस कोठडी संपते, तोपर्यंत या तिघांच्याही जामीन अर्जावरील सुनावणी पुढे ढकलण्यात यावी,' अशी विनंती संशयितांचे वकील दिलीप मुंडरगी यांनी केली. त्यावर जिल्हा व सत्र न्यायाधीश ए. यू. कदम यांनी २ जुलैला सुनावणी ठेवल्याची माहिती आर्थिक गुन्हे अन्वेषण शाखेचे पोलिस उपअधीक्षक आर. बी. शेडे यांनी दिली.
पुण्यातील बांधकाम व्यावसायिक डी. एस. कुलकर्णी यांच्यासह त्यांची पत्नी हेमंती आणि मुलगा शिरीष यांच्या अटकपूर्व जामीन अर्जावरील शुक्रवारी होणारी सुनावणी पुढे ढकलण्यात आली. सोमवारी (२ जुलै) अंतिम सुनावणी होणार आहे. या तिघांवर फसवणुकीचा गुन्हा दाखल आहे. गुंतवणूकदारांची १९ कोटींची फसवणूक झाली असून, सुमारे ३०० गुंतवणूकदारांचे पोलिसांनी जबाब घेतले आहेत. या तिघांना अटकपूर्व जामीन मिळावा, यासाठी त्यांच्या वकिलाने जिल्हा न्यायालात अर्ज दाखल केला आहे. 'या गुन्ह्यातील तिसरा संशयित आरोपी शिरीष कुलकर्णी हा पुणे पोलिसांच्या ताब्यात आहे. २ जुलैला त्याची पोलिस कोठडी संपते, तोपर्यंत या तिघांच्याही जामीन अर्जावरील सुनावणी पुढे ढकलण्यात यावी,' अशी विनंती संशयितांचे वकील दिलीप मुंडरगी यांनी केली. त्यावर जिल्हा व सत्र न्यायाधीश ए. यू. कदम यांनी २ जुलैला सुनावणी ठेवल्याची माहिती आर्थिक गुन्हे अन्वेषण शाखेचे पोलिस उपअधीक्षक आर. बी. शेडे यांनी दिली.