म. टा. प्रतिनिधी, कोल्हापूर
पुणे-बेंगुळूरू महामागार्वर वाठार पुलाजवळ एका तरुणाचा खून करून अपघात असल्लाचे भासविल्याप्रकरणी रोहित राजेंद्र कोळी (वय २९, रा. यल्लमा मंदिर, मंगळवार) आणि सुमित राजेंद्र सावंत (२८ रा. भगतसिंग चौक, बुधवार पेठ) या दोन तरुणांवर पेठवडगाव पोलिसांत गुन्हा दाखल करण्यात आला आहे. निखिल सुरेश गायकवाड (२७) असे मृत तरुणाचे नाव असून दीड महिन्यापूर्वी ही घटना घडली होती. मृत निखिलचे वडील सुरेश दिनकरराव गायकवाड (वय ५४,रा. भारत बेकरीजवळ, शिवाजी उद्यमनगर) यांनी याबाबतची फिर्याद दिली आहे.
पुणे बेंगळुरू महामार्गावर वाठार पुलाजवळ वैष्णवी स्टीलसमोर २८ नोव्हेंबर रोजी रात्री एक वाजता निखिल (वय २६) जखमी अवस्थेत आढळला. त्याला उपचारासाठी हॉस्पिटलमध्ये दाखल करण्यात आले. उपचार सुरु असताना एक डिसेंबर रोजी त्याचा मृत्यू झाला. निखिलला अज्ञात वाहनाने ठोकर दिली असल्याची शक्यता पोलिस तपासात प्राथमिक अंदाजात व्यक्त केली होती. पण निखिलचे वडील सुरेश गायकवाड यांनी मुलाचा खून झाल्याचा संशय व्यक्त केला होता. त्यानंतर पोलिसांनी तपास केला असता संशयित रोहित कोळी आणि सुमित सावंत यांनी निखिलच्या डोक्यात हत्याराने वार करून त्याला जखमी केले. त्याच्याकडील रोख रक्कम व सोन्याची चेन काढून घेत त्याला दुभाजकावर तसेच टाकून दिले होते. निखिलचा अपघात झाल्याचे भासवले होते.
निखिल याची एजन्सी होती तर संशयित सुमित हा लहानपणापासूनचा मित्र होते. सुमित हा मटका गोळा करण्याचे काम करत होता तर रोहित कोळी हायवेवरील एका लोककला केंद्रात काम करत होता, अशी माहिती पुढे आली आहे. लोककला केंद्रात गिऱ्हाईक घेऊन आल्यावर कमिशन मिळत असे. खूनाचा कारण अद्याप अस्पष्ट असून त्याबाबत तपास सुरू आहे.
पुणे-बेंगुळूरू महामागार्वर वाठार पुलाजवळ एका तरुणाचा खून करून अपघात असल्लाचे भासविल्याप्रकरणी रोहित राजेंद्र कोळी (वय २९, रा. यल्लमा मंदिर, मंगळवार) आणि सुमित राजेंद्र सावंत (२८ रा. भगतसिंग चौक, बुधवार पेठ) या दोन तरुणांवर पेठवडगाव पोलिसांत गुन्हा दाखल करण्यात आला आहे. निखिल सुरेश गायकवाड (२७) असे मृत तरुणाचे नाव असून दीड महिन्यापूर्वी ही घटना घडली होती. मृत निखिलचे वडील सुरेश दिनकरराव गायकवाड (वय ५४,रा. भारत बेकरीजवळ, शिवाजी उद्यमनगर) यांनी याबाबतची फिर्याद दिली आहे.
पुणे बेंगळुरू महामार्गावर वाठार पुलाजवळ वैष्णवी स्टीलसमोर २८ नोव्हेंबर रोजी रात्री एक वाजता निखिल (वय २६) जखमी अवस्थेत आढळला. त्याला उपचारासाठी हॉस्पिटलमध्ये दाखल करण्यात आले. उपचार सुरु असताना एक डिसेंबर रोजी त्याचा मृत्यू झाला. निखिलला अज्ञात वाहनाने ठोकर दिली असल्याची शक्यता पोलिस तपासात प्राथमिक अंदाजात व्यक्त केली होती. पण निखिलचे वडील सुरेश गायकवाड यांनी मुलाचा खून झाल्याचा संशय व्यक्त केला होता. त्यानंतर पोलिसांनी तपास केला असता संशयित रोहित कोळी आणि सुमित सावंत यांनी निखिलच्या डोक्यात हत्याराने वार करून त्याला जखमी केले. त्याच्याकडील रोख रक्कम व सोन्याची चेन काढून घेत त्याला दुभाजकावर तसेच टाकून दिले होते. निखिलचा अपघात झाल्याचे भासवले होते.
निखिल याची एजन्सी होती तर संशयित सुमित हा लहानपणापासूनचा मित्र होते. सुमित हा मटका गोळा करण्याचे काम करत होता तर रोहित कोळी हायवेवरील एका लोककला केंद्रात काम करत होता, अशी माहिती पुढे आली आहे. लोककला केंद्रात गिऱ्हाईक घेऊन आल्यावर कमिशन मिळत असे. खूनाचा कारण अद्याप अस्पष्ट असून त्याबाबत तपास सुरू आहे.