म. टा. प्रतिनिधी, कोल्हापूर
निपाणी परिसरातील वाहनांची खरेदी-विक्री करणाऱ्या व्यापाऱ्याने पैसे लुटण्याच्या हेतूने पाठलाग करून मारहाण केली, त्याचबरोबर गोळीबारही केला, अशी माहिती संदेश दत्तात्रय जाधव (वय ३४, रा. प्रतिभानगर) याने राजारामपुरी पोलिसांना दिली. या घटनेत जाधव याच्यासह मेकॅनिक मेहबूब मुल्ला हे दोघेही सुखरुप आहेत, मात्र अलिशान कारचे मोठे नुकसान झाले आहे. पोलिसांना हा प्रकार संशयास्पद वाटत असून, निपाणी पोलिसांकडून अधिक माहिती घेण्याचे काम बुधवारी रात्री उशिरापर्यंत सुरू होते. बुधवारी (ता. १) दुपारी तीन ते चारच्या दरम्यान हा प्रकार घडला.
याबाबत अधिक माहिती अशी की, प्रतिभानगर येथे राहणारा संदेश जाधव हा कार आणि स्पोर्ट्स बाइक खरेदी-विक्रीचा व्यवसाय करतो. बुधवारी तो एका कारच्या खरेदीचा व्यवहार करण्यासाठी मेकॅनिक मेहबूब मुल्ला यांना सोबत घेऊन अलिशान कारमधून निपाणीला गेला होता. परत येताना महामार्गावर १५ ते २० जणांच्या जमावाने कारमधून पाठलाग केला. कोगनोळी टोलनाक्याजवळ कारवर हल्ला केला, त्याचबरोबर आपल्या दिशेने गोळीबारही केला. हल्लेखोरांच्या तावडीतून सुटका करून कोल्हापुरात आल्याची माहिती जाधव याने राजारामपुरी पोलिसांना दिली. पोलिस निरीक्षक संजय साळुंखे यांनी मेकॅनिक मुल्ला याच्याकडे स्वतंत्र चौकशी केली असता माहितीत विसंगती आढळली आहे. याबाबत राजारामपुरी पोलिस निपाणी पोलिसांकडून माहिती घेत आहेत. आर्थिक वादातून हल्ल्याचा प्रकार घडला असावा, असा पोलिसांचा अंदाज आहे.
निपाणी परिसरातील वाहनांची खरेदी-विक्री करणाऱ्या व्यापाऱ्याने पैसे लुटण्याच्या हेतूने पाठलाग करून मारहाण केली, त्याचबरोबर गोळीबारही केला, अशी माहिती संदेश दत्तात्रय जाधव (वय ३४, रा. प्रतिभानगर) याने राजारामपुरी पोलिसांना दिली. या घटनेत जाधव याच्यासह मेकॅनिक मेहबूब मुल्ला हे दोघेही सुखरुप आहेत, मात्र अलिशान कारचे मोठे नुकसान झाले आहे. पोलिसांना हा प्रकार संशयास्पद वाटत असून, निपाणी पोलिसांकडून अधिक माहिती घेण्याचे काम बुधवारी रात्री उशिरापर्यंत सुरू होते. बुधवारी (ता. १) दुपारी तीन ते चारच्या दरम्यान हा प्रकार घडला.
याबाबत अधिक माहिती अशी की, प्रतिभानगर येथे राहणारा संदेश जाधव हा कार आणि स्पोर्ट्स बाइक खरेदी-विक्रीचा व्यवसाय करतो. बुधवारी तो एका कारच्या खरेदीचा व्यवहार करण्यासाठी मेकॅनिक मेहबूब मुल्ला यांना सोबत घेऊन अलिशान कारमधून निपाणीला गेला होता. परत येताना महामार्गावर १५ ते २० जणांच्या जमावाने कारमधून पाठलाग केला. कोगनोळी टोलनाक्याजवळ कारवर हल्ला केला, त्याचबरोबर आपल्या दिशेने गोळीबारही केला. हल्लेखोरांच्या तावडीतून सुटका करून कोल्हापुरात आल्याची माहिती जाधव याने राजारामपुरी पोलिसांना दिली. पोलिस निरीक्षक संजय साळुंखे यांनी मेकॅनिक मुल्ला याच्याकडे स्वतंत्र चौकशी केली असता माहितीत विसंगती आढळली आहे. याबाबत राजारामपुरी पोलिस निपाणी पोलिसांकडून माहिती घेत आहेत. आर्थिक वादातून हल्ल्याचा प्रकार घडला असावा, असा पोलिसांचा अंदाज आहे.