पंचगंगा घाट स्वच्छता अभियान
पुरोहित संघातर्फे पंचगंगा घाट स्वच्छता कोल्हापूर : कोल्हापूर जिल्हा ब्राह्मण पुरोहित संघाच्यावतीने पंचगंगा घाट स्वच्छता अभियान राबविण्यात आले...
पुरोहित संघातर्फे
पंचगंगा घाट स्वच्छता
कोल्हापूर : कोल्हापूर जिल्हा ब्राह्मण पुरोहित संघाच्यावतीने पंचगंगा घाट स्वच्छता अभियान राबविण्यात आले. याकामी महापालिका आणि पंचगंगा घाट संवर्धन समितीचे सहकार्य लाभले. स्वच्छता अभियानात घाट परिसरातील कचरा, प्लास्टिकच्या पिशव्या एकत्र केले. गेल्या तीन वर्षापासून पुरोहित संघ नदी घाट स्वच्छता अभियान राबवत आहे. यंदा, घाट स्वच्छता अभियानमध्ये पुरोहित संघाच्या १५० हून अधिक सदस्यांनी सहभाग घेतला. माजी उपमहापौर दिगंबर फराकटे, माजी नगरसेवक प्रकाश गवंडी यांचेही सहकार्य लाभले.
बॉक्सिंग स्पर्धेचे आयोजन
कोल्हापूर : कोल्हापूर जिल्हा बॉक्सिंग असोसिएशन व नगरसेवक शारंगधर देशमुख यांच्यावतीने आमदार सतेज पाटील यांच्या वाढदिवसानिमित्त शनिवारपासून (ता. १४) राजोपाध्येनगर येथील सानेगुरुजी वसाहतीमधील बॉक्सिंग हॉल येथे विभागीय बॉक्सिंग स्पर्धेचे आयोजन करण्यात आले आहे. स्पर्धेसाठी कोल्हापूर, सांगली, सातारा, रत्नागिरी, सिंधुदुर्ग या पाच जिल्ह्यातून २०० हून अधिक खेळाडू सहभागी होणार आहेत. या स्पर्धा सिनियर मुले व मुली आणि यूथ मुले व मुली वजन गटात होणार आहे. अधिक माहितीसाठी संघटनेचे सचिव मंगेश कराळे व सहसचिव रविंद्र दड्डीकर आणि कोल्हापूर विभाग सचिव योगेश मुंदडा यांच्याशी संपर्क साधावा. सूरज देशमुख, डॉ. महादेव मोरे यांनी संयोजन केले आहे.