प्रकाश कारंडे, कागल
पेट्रोल आणि डिझेलवरील एलबीटी रद्द करून आकारण्यात येणाऱ्या स्थानिक व दुष्काळ करामुळे महाराष्ट्रात इंधन महागले आहे. कर्नाटकात इंधन स्वस्त असल्याने कर्नाटक सीमेवरील व महामार्गावरील महाराष्ट्रातील पेट्रोल पंपांना मोठा फटका बसला आहे. कर्नाटक सीमेवरील पेट्रोल पंपांवर ‘महाराष्ट्रापेक्षा स्वस्त’ असे फलक लावण्यात आले आहेत. इंधन कर कमी करण्यासाठी पेट्रोल पंपचालक आंदोलनाच्या पवित्र्यात आहेत.
राज्यात एक ऑक्टोबरपासून पेट्रोल-डिझेलवरील एलबीटी रद्द करून डिझेलवर प्रति लिटर दोन रुपये दुष्काळ कर आकारणी सुरू करण्यात आली आहे. त्यामुळे ग्रामीण भागातही डिझेल आणि पेट्रोल महागले आहे. महाराष्ट्रात विविध स्थानिक करांमुळे लगतच्या कर्नाटक, आंध्र, मध्य प्रदेश, तेलंगणा, गुजरात, छत्तीसगड, गोवा या सात राज्यांपेक्षा महाराष्ट्रात सरासरी ३.५० रुपये प्रति लिटर जादा दर आहे. पेट्रोलचा ९ रुपयांनी जादा दर आहे. त्यामुळे राज्याच्या सीमेवर असलेल्या पेट्रोल पंपांच्या इंधन विक्रीत मोठ्या प्रमाणात घट झाली आहे. राज्यात मुंबई विकास कर (स्टेट स्पेसिफिक सरचार्ज) म्हणून प्रति लिटर तीन रुपये आकारणी होते.
नागपूर, औरंगाबाद, नंदुरबार, ठाणे, अमरावती, बारामती या शहरात रस्ते विकासासाठी प्रति लिटर १ ते ४ रुपये जादा व्हॅट आकारणी होते. पुणे, नाशिक, औरंगाबाद व अहमदनगर या शहरात लष्करी छावणी असल्याने येथे इंधनावर एलबीटी व जकात वसुली आजही सुरू आहे. त्यातच या महिन्यापासून डिझेलवर दुष्काळ कर आकारणी सुरू करण्यात आल्याने, शेजारच्या राज्यांच्या तुलनेत महाराष्ट्रात इंधनाचे दर वाढले आहेत. अनेक शहरात पेट्रोल, डिझेलचे दर वेगवेगळे असल्याने शहरातील व शहराबाहेरील पेट्रोल पंप चालकांच्या व्यवसायावर मोठा परिणाम झाला आहे. राज्यांतर्गत मालवाहतुकीतून ४० टक्के डिझेल विक्री होते.
दरवाढीमुळे डिझेल विक्री शेजारच्या राज्यात स्थलांतरित होऊन हजारो कोटींचे नुकसान होण्याची भीती राज्यातील पेट्रोल पंप चालकांना आहे. महाराष्ट्रात इंधन दरवाढ झाल्यामुळे कर्नाटक सीमेवरील पेट्रोल पंपांच्या इंधन विक्रीत घट झाली आहे. कर्नाटक हद्दीतील पेट्रोल पंपांवर स्वस्त इंधनाचे फलक झळकत आहेत.
पंपचालक चिंताग्रस्त
महाराष्ट्राच्या तुलनेत डिझेल गोव्यात प्रति लिटर ५.५० रुपये, गुजरातमध्ये ३.६२, कर्नाटकात ३.५२, छत्तीसगडमध्ये ३.५३, आंध्रमध्ये १.८१ रुपये स्वस्त आहे. पेट्रोल सरासरी २ ते ३ रुपये स्वस्त आहे. त्यामुळे इंधन विक्री व्यवसायावर परिणाम झाला असल्याचे पेट्रोल पंपचालकांचे म्हणणे आहे. कर रद्द करण्याच्या मागणीबाबत मंगळवारी अर्थमंत्री सुधीर मुनगंटीवार यांच्यासोबत पेट्रोल पंपचालकांची बैठक होणार आहे.
कर्नाटक सरकारने व्हॅट कमी केला आहे. ज्यामुळे रविवारचा महाराष्ट्रातील पेट्रोलचा दर ७३ रुपये ५५ पैसे आणि कर्नाटकातील ६४ रुपये ८८ पैसे होता. तर डिझेलचा दर महाराष्ट्रात ५७ रुपये ८८ पैसे होता तर कर्नाटकात ५४ रुपये ३५ पैसे होता. आमच्या पंपावर पेट्रोल सहा हजार लिटर ऐवजी नऊ हजार लिटरने विक्री होत आहे. - रामदास, मॅनेजर, कोगनोळी पेट्रोल पंप
तीन हजार लिटरने वाढ
कोल्हापूर जिल्ह्यातील पेत्रील पंपावर असणाऱ्या रांगा आता कमी होत असून सीमेवरील कर्नाटकातील पेट्रोल पंपांवरील इंधन विक्रीत दररोज दररोज तीन हजार लिटर पेट्रोलच्या विक्रीत वाढ झाली आहे. विक्री वाढली आहे कारण या पंपांवर सीमाभागातील महाराष्ट्रातील लोकही गर्दी करू लागले आहेत. त्यातच या पंपचालकांनी आपल्याकडे कमी दरात पेट्रोल आणि डिझेल मिळत असल्याच्या गाडी फिरवून जाहिराती करण्यास सुरवात केली आहे.
पेट्रोल आणि डिझेलवरील एलबीटी रद्द करून आकारण्यात येणाऱ्या स्थानिक व दुष्काळ करामुळे महाराष्ट्रात इंधन महागले आहे. कर्नाटकात इंधन स्वस्त असल्याने कर्नाटक सीमेवरील व महामार्गावरील महाराष्ट्रातील पेट्रोल पंपांना मोठा फटका बसला आहे. कर्नाटक सीमेवरील पेट्रोल पंपांवर ‘महाराष्ट्रापेक्षा स्वस्त’ असे फलक लावण्यात आले आहेत. इंधन कर कमी करण्यासाठी पेट्रोल पंपचालक आंदोलनाच्या पवित्र्यात आहेत.
राज्यात एक ऑक्टोबरपासून पेट्रोल-डिझेलवरील एलबीटी रद्द करून डिझेलवर प्रति लिटर दोन रुपये दुष्काळ कर आकारणी सुरू करण्यात आली आहे. त्यामुळे ग्रामीण भागातही डिझेल आणि पेट्रोल महागले आहे. महाराष्ट्रात विविध स्थानिक करांमुळे लगतच्या कर्नाटक, आंध्र, मध्य प्रदेश, तेलंगणा, गुजरात, छत्तीसगड, गोवा या सात राज्यांपेक्षा महाराष्ट्रात सरासरी ३.५० रुपये प्रति लिटर जादा दर आहे. पेट्रोलचा ९ रुपयांनी जादा दर आहे. त्यामुळे राज्याच्या सीमेवर असलेल्या पेट्रोल पंपांच्या इंधन विक्रीत मोठ्या प्रमाणात घट झाली आहे. राज्यात मुंबई विकास कर (स्टेट स्पेसिफिक सरचार्ज) म्हणून प्रति लिटर तीन रुपये आकारणी होते.
नागपूर, औरंगाबाद, नंदुरबार, ठाणे, अमरावती, बारामती या शहरात रस्ते विकासासाठी प्रति लिटर १ ते ४ रुपये जादा व्हॅट आकारणी होते. पुणे, नाशिक, औरंगाबाद व अहमदनगर या शहरात लष्करी छावणी असल्याने येथे इंधनावर एलबीटी व जकात वसुली आजही सुरू आहे. त्यातच या महिन्यापासून डिझेलवर दुष्काळ कर आकारणी सुरू करण्यात आल्याने, शेजारच्या राज्यांच्या तुलनेत महाराष्ट्रात इंधनाचे दर वाढले आहेत. अनेक शहरात पेट्रोल, डिझेलचे दर वेगवेगळे असल्याने शहरातील व शहराबाहेरील पेट्रोल पंप चालकांच्या व्यवसायावर मोठा परिणाम झाला आहे. राज्यांतर्गत मालवाहतुकीतून ४० टक्के डिझेल विक्री होते.
दरवाढीमुळे डिझेल विक्री शेजारच्या राज्यात स्थलांतरित होऊन हजारो कोटींचे नुकसान होण्याची भीती राज्यातील पेट्रोल पंप चालकांना आहे. महाराष्ट्रात इंधन दरवाढ झाल्यामुळे कर्नाटक सीमेवरील पेट्रोल पंपांच्या इंधन विक्रीत घट झाली आहे. कर्नाटक हद्दीतील पेट्रोल पंपांवर स्वस्त इंधनाचे फलक झळकत आहेत.
पंपचालक चिंताग्रस्त
महाराष्ट्राच्या तुलनेत डिझेल गोव्यात प्रति लिटर ५.५० रुपये, गुजरातमध्ये ३.६२, कर्नाटकात ३.५२, छत्तीसगडमध्ये ३.५३, आंध्रमध्ये १.८१ रुपये स्वस्त आहे. पेट्रोल सरासरी २ ते ३ रुपये स्वस्त आहे. त्यामुळे इंधन विक्री व्यवसायावर परिणाम झाला असल्याचे पेट्रोल पंपचालकांचे म्हणणे आहे. कर रद्द करण्याच्या मागणीबाबत मंगळवारी अर्थमंत्री सुधीर मुनगंटीवार यांच्यासोबत पेट्रोल पंपचालकांची बैठक होणार आहे.
कर्नाटक सरकारने व्हॅट कमी केला आहे. ज्यामुळे रविवारचा महाराष्ट्रातील पेट्रोलचा दर ७३ रुपये ५५ पैसे आणि कर्नाटकातील ६४ रुपये ८८ पैसे होता. तर डिझेलचा दर महाराष्ट्रात ५७ रुपये ८८ पैसे होता तर कर्नाटकात ५४ रुपये ३५ पैसे होता. आमच्या पंपावर पेट्रोल सहा हजार लिटर ऐवजी नऊ हजार लिटरने विक्री होत आहे. - रामदास, मॅनेजर, कोगनोळी पेट्रोल पंप
तीन हजार लिटरने वाढ
कोल्हापूर जिल्ह्यातील पेत्रील पंपावर असणाऱ्या रांगा आता कमी होत असून सीमेवरील कर्नाटकातील पेट्रोल पंपांवरील इंधन विक्रीत दररोज दररोज तीन हजार लिटर पेट्रोलच्या विक्रीत वाढ झाली आहे. विक्री वाढली आहे कारण या पंपांवर सीमाभागातील महाराष्ट्रातील लोकही गर्दी करू लागले आहेत. त्यातच या पंपचालकांनी आपल्याकडे कमी दरात पेट्रोल आणि डिझेल मिळत असल्याच्या गाडी फिरवून जाहिराती करण्यास सुरवात केली आहे.