कोल्हापूर टाइम्स टीम
हैदराबाद येथील डॉक्टर तरुणीवर झालेल्या अत्याचारामुळे संपूर्ण देश हादरला. संतापाची लाट उसळली आणि पुन्हा एकदा महिला सुरक्षेचा प्रश्न ऐरणीवर आला. काहींची विकृत मानसिकता आणि दुय्यम वागणूक यामुळे नोकरी, व्यवसाय आणि कॉलेजसाठी बाहेर पडणाऱ्या तरुणी, महिलांच्या सुरक्षेचे आव्हान पोलिसांसमोर आहे. महिलांची छेडछाड निर्माण करण्यात आलेली निर्भया पथके हे आव्हान पेलण्यास सज्ज झाली असून जिल्ह्यात सहा पथके रोडरोमिओ आणि छेडछाड करणाऱ्यांवर नजर ठेवणार आहेत. पथकांना मोबाइल फोन, छुपे कॅमेरे, चारचाकी वाहने देण्यात आली आहेत.
जिल्हा पोलिस दलाने महिला, मुली आणि महाविद्यालयीन तरुणींची छेडछाड रोखण्यासाठी निर्भया पथके अधिक सज्ज केली आहे. पथकांना अत्याधुनिक सामुग्री दिली असून सहा पथके आता महिलांच्या छेडछाडीच्या प्रकारांवर वॉच ठेवतील. छुपे कॅमेरे, हेल्पलाइनशी जोडलेला मोबाइल, चारचाकी वाहने आणि वरिष्ठ अधिकारी असे पथक असेल. पथकामध्ये महिला अधिकारी, तीन महिला कर्मचारी, दोन पुरुष कर्मचाऱ्यांचा समावेश आहे. प्रत्येक पथकाला अँड्रॉइड मोबाइलही उपलब्ध करून दिला आहे. विशेष पोलिस महानिरीक्षक डॉ. सुहास वारके यांनी महिलांची आणि युवतीची छेडछाड रोखण्यासाठी निर्भया पथकांची स्थापना केली आहे. पथकांच्या माध्यमातून शाळा आणि कॉलेजच्या परिसरात फिरून संशयितावर कारवाई केली जाते. जिल्ह्यात अशी सहा निर्भया पथके कार्यरत असून जिल्हा पोलिस अधीक्षक, निर्भया पथक नोडल अधिकाऱ्यांच्या मार्गदर्शनाखाली पथकांचे कामकाम सुरू आहे. पथकांत एक पोलिस उपनिरीक्षक दर्जाचा अधिकारी, पाच कर्मचारी कार्यरत आहेत. पथकांतर्फे शाळा आणि कॉलेजांमध्ये प्रबोधनात्मक कार्यक्रम आयोजित केले जात आहेत. कोणत्याही ठिकाणी छेडछाड होत असल्यास १०९१ या क्रमांकासह मोबाइल क्रमांकावर कॉल करण्याची सुविधा उपलब्ध करून देण्यात आली आहे. या क्रमाकांवर युवती आणि महिला छेडछाडीच्या तक्रारी व्हॉट्सअॅपवरूनही पाठवू शकतात.
पथकाकडून महाविद्यालये, प्रमुख शाळा, गर्दीची ठिकाणे, प्रमुख चौकात तरुण, तरुणींचे प्रबोधन केले जात आहे. १२ वर्षांवरील मुला-मुलींना कायद्याचे धडे दिले जात आहे. मुलींना नाहक त्रास देणारे, छेडछाड करणाऱ्यांवर कारवाई केली जात आहे. गेल्या दोन वर्षांपासून निर्भया पथकाने कारवाई सुरू केल्यापासून छेडाछेडीच्या घटनांचे प्रमाण कमी झाले आहेत. मात्र हैदराबाद घटनेच्या पार्श्वभूमीवर निर्भया पथक कारवाईसाठी अधिक सक्रिय झाले आहे.
कारवाई
वर्षे कारवाई समुपदेशन कार्यक्रमांची संख्या
२०१८ ३३१४ ४२१० ५७
२०१९ (ऑक्टोबर) २३३६ ३०५२ १६
मोटार वाहन कायद्यानुसार कारवाई (३१ ऑक्टोबर २०१९ अखेर)
पोलिस ठाणे गुन्हे दंड रक्कम
लक्ष्मीपुरी ६८१ १,४०,८००
जुना राजवाडा ११०६ २,५०,९००
शाहूपुरी २३७७ ४,२५,१००
राजारामपुरी २३३ ६०,८००
एकूण ४३९७ ८,७७ ६००
छेडछाड किंवा त्रास देण्याचा प्रयत्न झाल्यास कोणीही घाबरुन जाऊ नये. परिसरात या प्रकारच्या घटना सुरू असल्यास १०९१ व १०० नंबरवर तातडीने तक्रारी द्याव्यात. तक्रारदारांची नावे गोपनीय ठेवली जातील. त्रास देणाऱ्यांवर कठोर कारवाई केली जाईल.
अनिता मेणकर, उपनिरीक्षक, निर्भया पथक प्रमुख
प्रत्येक तरुणीने आत्मसंरक्षणाचे धडे घ्यावेत. अनोळखी व्यक्तिवर विश्वास ठेवू नये. रात्री प्रवास करणाऱ्या महिला, तरुणींनी सुरक्षित ठिकाणी थांबावे. असुरक्षित वाटल्यास जवळच्या पोलिस ठाण्यात तत्काळ फोन करावा.
प्रेरणा कट्टे, शहर पोलिस उपअधीक्षक
निर्भया पथके आणि संपर्क क्रमांक
शहर विभाग : ९४०५३८०१३३
करवीर : ९४०४१९०१३३
इचलकरंजी विभाग : ९४० ५३५०१३३
जयसिंगपूर ९४०५०१६१३३
गडहिंग्लज : ९४०४९१२१३३
शाहूवाडी : ९४०३९५६०३३
हैदराबाद येथील डॉक्टर तरुणीवर झालेल्या अत्याचारामुळे संपूर्ण देश हादरला. संतापाची लाट उसळली आणि पुन्हा एकदा महिला सुरक्षेचा प्रश्न ऐरणीवर आला. काहींची विकृत मानसिकता आणि दुय्यम वागणूक यामुळे नोकरी, व्यवसाय आणि कॉलेजसाठी बाहेर पडणाऱ्या तरुणी, महिलांच्या सुरक्षेचे आव्हान पोलिसांसमोर आहे. महिलांची छेडछाड निर्माण करण्यात आलेली निर्भया पथके हे आव्हान पेलण्यास सज्ज झाली असून जिल्ह्यात सहा पथके रोडरोमिओ आणि छेडछाड करणाऱ्यांवर नजर ठेवणार आहेत. पथकांना मोबाइल फोन, छुपे कॅमेरे, चारचाकी वाहने देण्यात आली आहेत.
जिल्हा पोलिस दलाने महिला, मुली आणि महाविद्यालयीन तरुणींची छेडछाड रोखण्यासाठी निर्भया पथके अधिक सज्ज केली आहे. पथकांना अत्याधुनिक सामुग्री दिली असून सहा पथके आता महिलांच्या छेडछाडीच्या प्रकारांवर वॉच ठेवतील. छुपे कॅमेरे, हेल्पलाइनशी जोडलेला मोबाइल, चारचाकी वाहने आणि वरिष्ठ अधिकारी असे पथक असेल. पथकामध्ये महिला अधिकारी, तीन महिला कर्मचारी, दोन पुरुष कर्मचाऱ्यांचा समावेश आहे. प्रत्येक पथकाला अँड्रॉइड मोबाइलही उपलब्ध करून दिला आहे. विशेष पोलिस महानिरीक्षक डॉ. सुहास वारके यांनी महिलांची आणि युवतीची छेडछाड रोखण्यासाठी निर्भया पथकांची स्थापना केली आहे. पथकांच्या माध्यमातून शाळा आणि कॉलेजच्या परिसरात फिरून संशयितावर कारवाई केली जाते. जिल्ह्यात अशी सहा निर्भया पथके कार्यरत असून जिल्हा पोलिस अधीक्षक, निर्भया पथक नोडल अधिकाऱ्यांच्या मार्गदर्शनाखाली पथकांचे कामकाम सुरू आहे. पथकांत एक पोलिस उपनिरीक्षक दर्जाचा अधिकारी, पाच कर्मचारी कार्यरत आहेत. पथकांतर्फे शाळा आणि कॉलेजांमध्ये प्रबोधनात्मक कार्यक्रम आयोजित केले जात आहेत. कोणत्याही ठिकाणी छेडछाड होत असल्यास १०९१ या क्रमांकासह मोबाइल क्रमांकावर कॉल करण्याची सुविधा उपलब्ध करून देण्यात आली आहे. या क्रमाकांवर युवती आणि महिला छेडछाडीच्या तक्रारी व्हॉट्सअॅपवरूनही पाठवू शकतात.
पथकाकडून महाविद्यालये, प्रमुख शाळा, गर्दीची ठिकाणे, प्रमुख चौकात तरुण, तरुणींचे प्रबोधन केले जात आहे. १२ वर्षांवरील मुला-मुलींना कायद्याचे धडे दिले जात आहे. मुलींना नाहक त्रास देणारे, छेडछाड करणाऱ्यांवर कारवाई केली जात आहे. गेल्या दोन वर्षांपासून निर्भया पथकाने कारवाई सुरू केल्यापासून छेडाछेडीच्या घटनांचे प्रमाण कमी झाले आहेत. मात्र हैदराबाद घटनेच्या पार्श्वभूमीवर निर्भया पथक कारवाईसाठी अधिक सक्रिय झाले आहे.
कारवाई
वर्षे कारवाई समुपदेशन कार्यक्रमांची संख्या
२०१८ ३३१४ ४२१० ५७
२०१९ (ऑक्टोबर) २३३६ ३०५२ १६
मोटार वाहन कायद्यानुसार कारवाई (३१ ऑक्टोबर २०१९ अखेर)
पोलिस ठाणे गुन्हे दंड रक्कम
लक्ष्मीपुरी ६८१ १,४०,८००
जुना राजवाडा ११०६ २,५०,९००
शाहूपुरी २३७७ ४,२५,१००
राजारामपुरी २३३ ६०,८००
एकूण ४३९७ ८,७७ ६००
छेडछाड किंवा त्रास देण्याचा प्रयत्न झाल्यास कोणीही घाबरुन जाऊ नये. परिसरात या प्रकारच्या घटना सुरू असल्यास १०९१ व १०० नंबरवर तातडीने तक्रारी द्याव्यात. तक्रारदारांची नावे गोपनीय ठेवली जातील. त्रास देणाऱ्यांवर कठोर कारवाई केली जाईल.
अनिता मेणकर, उपनिरीक्षक, निर्भया पथक प्रमुख
प्रत्येक तरुणीने आत्मसंरक्षणाचे धडे घ्यावेत. अनोळखी व्यक्तिवर विश्वास ठेवू नये. रात्री प्रवास करणाऱ्या महिला, तरुणींनी सुरक्षित ठिकाणी थांबावे. असुरक्षित वाटल्यास जवळच्या पोलिस ठाण्यात तत्काळ फोन करावा.
प्रेरणा कट्टे, शहर पोलिस उपअधीक्षक
निर्भया पथके आणि संपर्क क्रमांक
शहर विभाग : ९४०५३८०१३३
करवीर : ९४०४१९०१३३
इचलकरंजी विभाग : ९४० ५३५०१३३
जयसिंगपूर ९४०५०१६१३३
गडहिंग्लज : ९४०४९१२१३३
शाहूवाडी : ९४०३९५६०३३