म. टा. प्रतिनिधी, कोल्हापूर
'आतापर्यंत पक्षाने दिलेल्या सर्व जबाबदाऱ्या प्रामाणिकपणे पार पाडल्या आहेत. पक्षाची इच्छा असेल आणि तसे आदेश दिल्यास प्रदेशाध्यक्षपदही स्वीकारण्यात येईल,' अशी तयारी पालकमंत्री चंद्रकांत पाटील यांनी गुरूवारी दर्शवली.
शेंडा पार्क येथे नियोजित शेतकरी सन्मान भवनच्या इमारत भूमिपूजनासाठी आल्यानंतर ते पत्रकारांशी बोलत होते. पक्षाच्यादृष्टीने महत्त्वाचे मानले जाणारे हे पद घेण्यासंबंधी त्यांनी अप्रत्यक्षपणे सूचक वक्तव्य केले.
भाजपचे प्रदेशाध्यक्ष रावसाहेब दानवे यांना केंद्रीय राज्य मंत्रिपद मिळाले आहे. त्यामुळे त्यांच्याकडील प्रदेशाध्यक्षपद दुसऱ्याकडे देण्यासंबंधी पक्षातर्गंत चर्चा सुरू आहे. या पदासाठी विनोद तावडे, संभाजी पाटील निलंगेकर, इचलकरंजीचे आमदार सुरेश हाळवणकर यांची नावे चर्चेत आहेत. यापैकी एका नावाची घोषणा होईल, असे सांगण्यात येत होते. मात्र त्यांचे नाव मागे पडून चार दिवसांपासून पालकमंत्री पाटील यांची वर्णी लागणार असल्याचे सांगितले जात आहे. अद्याप तशी अधिकृत घोषणा झालेली नाही. मात्र पाटील यांच्या नावाभोवतीच ही चर्चा फिरते आहे. सध्या पाटील यांच्याकडे कोल्हापूर, पुण्याचे पालकमंत्रिपद, महसूल, मदत, पुनर्वसन, सार्वजनिक बांधकाम, कृषी आणि फलोत्पादन खात्याचे मंत्रिपद आहे. त्यामध्ये पक्षाने संधी दिली तर प्रदेशाध्यक्षपदही मिळणार आहे.
.. .. ..
एकच घाटगे उमेदवार...
कागल विधानसभा मतदारसंघात घाटगे उमेदवार आहेत. मात्र उमेदवारी संजय घाटगे की समरजित घाटगे यांना मिळणार यासंबंधीचा अंतिम निर्णय मुख्यमंत्री देवेंद्र फडणवीस, शिवसेना पक्षप्रमुख उद्धव ठाकरे ठरवतील, असेही पालकमंत्र्यांनी स्पष्ट केले.
.. . . .
'आतापर्यंत पक्षाने दिलेल्या सर्व जबाबदाऱ्या प्रामाणिकपणे पार पाडल्या आहेत. पक्षाची इच्छा असेल आणि तसे आदेश दिल्यास प्रदेशाध्यक्षपदही स्वीकारण्यात येईल,' अशी तयारी पालकमंत्री चंद्रकांत पाटील यांनी गुरूवारी दर्शवली.
शेंडा पार्क येथे नियोजित शेतकरी सन्मान भवनच्या इमारत भूमिपूजनासाठी आल्यानंतर ते पत्रकारांशी बोलत होते. पक्षाच्यादृष्टीने महत्त्वाचे मानले जाणारे हे पद घेण्यासंबंधी त्यांनी अप्रत्यक्षपणे सूचक वक्तव्य केले.
भाजपचे प्रदेशाध्यक्ष रावसाहेब दानवे यांना केंद्रीय राज्य मंत्रिपद मिळाले आहे. त्यामुळे त्यांच्याकडील प्रदेशाध्यक्षपद दुसऱ्याकडे देण्यासंबंधी पक्षातर्गंत चर्चा सुरू आहे. या पदासाठी विनोद तावडे, संभाजी पाटील निलंगेकर, इचलकरंजीचे आमदार सुरेश हाळवणकर यांची नावे चर्चेत आहेत. यापैकी एका नावाची घोषणा होईल, असे सांगण्यात येत होते. मात्र त्यांचे नाव मागे पडून चार दिवसांपासून पालकमंत्री पाटील यांची वर्णी लागणार असल्याचे सांगितले जात आहे. अद्याप तशी अधिकृत घोषणा झालेली नाही. मात्र पाटील यांच्या नावाभोवतीच ही चर्चा फिरते आहे. सध्या पाटील यांच्याकडे कोल्हापूर, पुण्याचे पालकमंत्रिपद, महसूल, मदत, पुनर्वसन, सार्वजनिक बांधकाम, कृषी आणि फलोत्पादन खात्याचे मंत्रिपद आहे. त्यामध्ये पक्षाने संधी दिली तर प्रदेशाध्यक्षपदही मिळणार आहे.
.. .. ..
एकच घाटगे उमेदवार...
कागल विधानसभा मतदारसंघात घाटगे उमेदवार आहेत. मात्र उमेदवारी संजय घाटगे की समरजित घाटगे यांना मिळणार यासंबंधीचा अंतिम निर्णय मुख्यमंत्री देवेंद्र फडणवीस, शिवसेना पक्षप्रमुख उद्धव ठाकरे ठरवतील, असेही पालकमंत्र्यांनी स्पष्ट केले.
.. . . .