निमशिरगावला १० डिसेंबरलाग्रामीण मराठी साहित्य संमेलन

जयसिंगपूर

निमशिरगाव (ता. शिरोळ) येथे २१ वे ग्रामीण मराठी साहित्य संमेलन १० डिसेंबर रोजी होणार आहे. साहित्यसुधा कला, क्रीडा, शैक्षणिक व सांस्कृतिक मंच आणि ग्रामस्थांच्या बैठकीत याचा निर्णय झाल्याची माहिती पद्माकर पाटील यांनी दिली. संमेलनाच्या अध्यक्षस्थानी ज्येष्ठ साहित्यिक राजन खान आहेत.

गेली २० वर्षे साहित्य सुधा मंचच्यावतीने हे साहित्य संमेलन भरविले जाते. यंदाचे संमेलनाचे २१ वे वर्ष आहे. १० डिसेंबर रोजी सकाळी ग्रंथदिंडीने साहित्य संमेलनाची सुरुवात होईल. त्यानंतर उद्घाटन, पुरस्कार वितरण होईल. ‘धर्म, समाजपरिवर्तन आणि साहित्य’ या विषयावर परिसंवाद होणार आहे. दुपारी कथाकथन, सायंकाळी काव्यमैफल होईल असेही, पाटील यांनी सांगितले. यावेळी प्रा.शांताराम कांबळे, रावसाहेब पुजारी, निवृत्ती साजणे, गोमटेश पाटील आदी उपस्थित होते.