Kolhapur : शिंदे - ठाकरे गटातील संघर्ष पेटला, इंगवलेंची क्षीरसागर यांच्या विरोधात फिर्याद; केला गंभीर आरोप

कोल्हापूर : शिंदे गटामध्ये गेलेले माजी आमदार राजेश क्षीरसागर ( Rajesh Kshirsagar ) यांच्या पान-सुपारीच्या मंडपा समोर कोल्हापुरात गणेश विसर्जनादरम्यान गद्दारीच्या घोषणा देण्यात आल्या होत्या. यानंतर नाचण्यावरून क्षीरसागर गटाने केलेल्या तक्रारीनंतर उद्धव ठाकरे समर्थक इंगवले यांच्यासह ३०-४० कार्यकर्त्यांवर जुना राजवाडा पोलीस ठाण्यात परवा रात्री विनयभंगाचा गुन्हा दाखल करण्यात आला होता. आता उद्धव ठाकरे गटातील शहर प्रमुख रविकिरण इंगवले ( Ravikiran Ingawale ) यांनी क्षीरसागर यांच्याविरोधात गुन्हा दाखल करण्याची मागणी केली आहे. माजी आमदार राजेश क्षीरसागर यांनी धमकी दिल्याचा आरोप इंगवले यांनी केला आहे. जुना राजवाडा पोलिसात तक्रार दाखल करत गुन्हा नोंद करण्याची मागणी इंगवले यांनी केली आहे. यामुळे कोल्हापुरातील राजकीय वातावरण तापू लागलं आहे.

इंगवलेंची क्षीरसागर यांच्या विरोधात फिर्याद

कोल्हापुरात राजेश क्षीरसागर आणि रविकिरण इंगवले यांच्यातील वाद हा आता शिगेला पोहोचला आहे. दोन दिवसांपूर्वी शिंदे गटात गेलेल्या माजी आमदार राजेश क्षीरसागर यांच्या गटाने केलेल्या तक्रारीवरून रविकिरण इंगवले यांच्यासह ३० ते ४० जणांवर गुन्हा नोंदवण्यात आला होता. आता आज रविकिरण इंगवले यांनीही थेट जुना राजवाडा पोलीस चौकीत जात राजेश क्षीरसागर यांच्या विरोधात धमकी दिल्या प्रकरणी फिर्याद दाखल केली आहे.

शिवसेनेमध्ये बंडखोरी झाली यावेळी माजी आमदार राजेश क्षीरसागर ही शिंदे गटात जात थेट गुवाहाटीला पोहोचले. यावेळी कोल्हापुरात आक्रमक झालेले रविकिरण इंगवले यांच्यासह शिवसेना कार्यकर्त्यांनी राजेश क्षीरसागर यांचे पोस्टर फाडले होते. यावेळी क्षीरसागर यांनी गुवाहाटीमध्ये बसून व्हिडिओच्या माध्यमातून मी तुला सोडणार नाही, अशी धमकी दिल्याचा आरोप आहे. तसेच दोन दिवसांपूर्वी बोलतानाही क्षीरसागर यांनी आपल्याला धमकी दिली, असा आरोप करत रविकिरण इंगवले यांनी जुना राजवाडा पोलीस ठाण्यात फिर्याद दाखल केली आहे. तसेच राजेश क्षीरसागर यांच्यावर गुन्हा दाखल करा, अशी मागणी त्यांनी केली आहे.

गणेश विसर्जन मिरवणुकीत राडा; कोल्हापुरात ठाकरे समर्थक ३० ते ४० शिवसैनिकांवर विनयभंगाचा

अब्रूनुकसानीचा दावा ठोकणार

गणेशोत्सव विसर्जन मिरवणुकीत रविकिरण इंगवले अध्यक्ष असलेल्या शिवाजी पेठेतील फिरंगाई तालीम तरुण मंडळाची मिरवणूक क्षीरसागर यांच्या मंडपसमोर आली. यावेळी इंगवले यांच्यासह ३० ते ४० कार्यकर्त्यांनी कोण आला रे कोण आला, शिवसेनेचा वाघ आला.. असं म्हणत शिवसेनेच्या गाण्यावर डान्स केला. यावेळी या परिसरात प्रचंड तणाव ही निर्माण झाला होता. यावेळी स्टेजवर शिंदे गटातील महिला पदाधिकारीही उपस्थित होत्या. याविरोधात यातील माजी शहर संघटिका यांनी जुना राजवाडा पोलिसात तक्रार दाखल केली होती. दहशत माजविण्याच्या उद्देशाने आणि महिला पदाधिकारी स्टेजवर उपस्थितीत असल्याचे पाहून महिलांची लज्जा उत्पन्न होईल, अशी आक्षेपार्ह भाषा वापरून, हातवारे आणि शिवीगाळ केल्याची तक्रार करण्यात आली होती. यामुळे इंगवले यांच्यासह ३० ते ४० जणांविरोधात गुन्हा नोंद करण्यात आला होता. दरम्यान, इंगवले यांनी हे आरोप फेटाळून लावले आहेत. असा कुठलाही प्रकार झालेला नाही. याबाबतचे सर्व व्हिडिओ माझ्याकडे उपलब्ध आहेत. या व्हिडिओमध्ये मी कुठेही नव्हतो, असं म्हणत सदर फिर्यादी विरोधात अब्रूनुकसानीचा दावा ठोकणार असल्याचं रविकिरण इंगवले म्हणाले. यावेळी त्यांचे वकील अॅड. पाटीलही उपस्थित होते.

kolhapur : मोक्का अंतर्गत शिक्षा भोगत असलेल्या कैद्याची आत्महत्या, कारागृहात एकच