कोल्हापूर
मुख्यमंत्री देवेंद्र फडणवीस यांच्याविरोधात आज राष्ट्रवादीने उपहासात्मक आंदोलन केले. या आंदोलनाला खासदार धनंजय महाडिक, आमदार हसन मुश्रीफ यांच्यासह राष्ट्रवादीचे स्थानिक नेते उपस्थित होते. अमेरिकेत मुख्यमंत्र्यांना 'आऊटस्टँडिंग लिडरशीप इन डेव्हलपमेंट' पुरस्कार मिळाल्याबद्दल राष्ट्रवादीने त्यांना प्रतिकात्मक पद्धतीनं 'आऊट स्टँडिंग चिफ मिनिस्टर' हा पुरस्कार देऊन त्यांचा जंगी सत्कार केला.
मुख्यमंत्र्यांविरोधात उपहासात्मक आंदोलन करण्यासाठी राष्ट्रवादीने जय्यत तयारी केली होती. मुख्यमंत्र्यांचा ताफा...त्यांचं स्वागत...फटाक्यांची आतिषबाजी...हे सर्व यावेळी केले. मुख्यमंत्र्यांचा सत्कार करण्यात आल्यानंतर त्यांना निवेदनेही दिली. राष्ट्रवादीच्या नेत्यांनी मुख्यमंत्र्याची खिल्ली उडवणारी अभिनंदनपर भाषणे केली. शेतकरी, कष्टकरी, विद्यार्थ्यांचे प्रश्न न सोडवता नुसती आकडेवारी देणाऱ्या मुख्यमंत्र्यांना या आंदोलनात 'फसवणीस', 'लबाड', अशा उपमाही दिल्या. रामेश्वर पत्की या तरुणानं मुख्यमंत्र्यांची भूमिका पार पाडली. महाराष्ट्रावरील पाच लाख कोटी रुपयांपेक्षा जास्त असलेले कर्ज, ५६ लाख शेतकऱ्यांना कर्जमाफीपासून वंचित ठेवल्याबद्दल, रेशनकार्डवर गव्हाऐवजी मका पुरवल्याबद्दल, शेतकऱ्यांच्या उत्पादनाला दीडपट भाव मिळवून दिल्याबद्दल, दूग्ध व्यवसाय संकटात येऊन मदत न केल्याबद्दल, ग्रामीण भागातील शाळा बंद केल्याबद्दल, मराठा, लिंगायत, धनगर, मुस्लिम समाजाला आरक्षण दिल्याबद्दल, कायदा व सुव्यवस्था सुरळीत ठेवल्याबद्दल, खड्डेमुक्त रस्ते केल्याबद्दल, विद्यार्थ्यांना स्कॉलरशीप दिल्याबद्दल मुख्यमंत्र्यांचा ट्रॉफी देऊन सत्कार केला.
एकीकडे नेत्यांची भाषणे सुरु असताना मुख्यमंत्री नागरिकांची निवेदन स्वीकारत होते. निवेदनावर स्वाक्षऱ्या करुन सह्या करत होते. त्यामुळे उपस्थित नेते मंडळी व कार्यकर्त्यांत हास्यांची कारंजी फुटत होती. माझ्या पक्षातील लोकांनी अमेरिकेतील पुरस्काराची दखल घेतली नाही, पण कोल्हापूर जिल्ह्यातील राष्ट्रवादी काँग्रेस पक्षाने सत्कार केल्याबद्दल मुख्यमंत्र्यांनी राष्ट्रवादीचे आभार मानले. राष्ट्रवादीच्या या उपाहासात्मक आंदोलनाची जिल्ह्यात चांगलीच चर्चा रंगली आहे.
मुख्यमंत्री देवेंद्र फडणवीस यांच्याविरोधात आज राष्ट्रवादीने उपहासात्मक आंदोलन केले. या आंदोलनाला खासदार धनंजय महाडिक, आमदार हसन मुश्रीफ यांच्यासह राष्ट्रवादीचे स्थानिक नेते उपस्थित होते. अमेरिकेत मुख्यमंत्र्यांना 'आऊटस्टँडिंग लिडरशीप इन डेव्हलपमेंट' पुरस्कार मिळाल्याबद्दल राष्ट्रवादीने त्यांना प्रतिकात्मक पद्धतीनं 'आऊट स्टँडिंग चिफ मिनिस्टर' हा पुरस्कार देऊन त्यांचा जंगी सत्कार केला.
मुख्यमंत्र्यांविरोधात उपहासात्मक आंदोलन करण्यासाठी राष्ट्रवादीने जय्यत तयारी केली होती. मुख्यमंत्र्यांचा ताफा...त्यांचं स्वागत...फटाक्यांची आतिषबाजी...हे सर्व यावेळी केले. मुख्यमंत्र्यांचा सत्कार करण्यात आल्यानंतर त्यांना निवेदनेही दिली. राष्ट्रवादीच्या नेत्यांनी मुख्यमंत्र्याची खिल्ली उडवणारी अभिनंदनपर भाषणे केली. शेतकरी, कष्टकरी, विद्यार्थ्यांचे प्रश्न न सोडवता नुसती आकडेवारी देणाऱ्या मुख्यमंत्र्यांना या आंदोलनात 'फसवणीस', 'लबाड', अशा उपमाही दिल्या. रामेश्वर पत्की या तरुणानं मुख्यमंत्र्यांची भूमिका पार पाडली. महाराष्ट्रावरील पाच लाख कोटी रुपयांपेक्षा जास्त असलेले कर्ज, ५६ लाख शेतकऱ्यांना कर्जमाफीपासून वंचित ठेवल्याबद्दल, रेशनकार्डवर गव्हाऐवजी मका पुरवल्याबद्दल, शेतकऱ्यांच्या उत्पादनाला दीडपट भाव मिळवून दिल्याबद्दल, दूग्ध व्यवसाय संकटात येऊन मदत न केल्याबद्दल, ग्रामीण भागातील शाळा बंद केल्याबद्दल, मराठा, लिंगायत, धनगर, मुस्लिम समाजाला आरक्षण दिल्याबद्दल, कायदा व सुव्यवस्था सुरळीत ठेवल्याबद्दल, खड्डेमुक्त रस्ते केल्याबद्दल, विद्यार्थ्यांना स्कॉलरशीप दिल्याबद्दल मुख्यमंत्र्यांचा ट्रॉफी देऊन सत्कार केला.
एकीकडे नेत्यांची भाषणे सुरु असताना मुख्यमंत्री नागरिकांची निवेदन स्वीकारत होते. निवेदनावर स्वाक्षऱ्या करुन सह्या करत होते. त्यामुळे उपस्थित नेते मंडळी व कार्यकर्त्यांत हास्यांची कारंजी फुटत होती. माझ्या पक्षातील लोकांनी अमेरिकेतील पुरस्काराची दखल घेतली नाही, पण कोल्हापूर जिल्ह्यातील राष्ट्रवादी काँग्रेस पक्षाने सत्कार केल्याबद्दल मुख्यमंत्र्यांनी राष्ट्रवादीचे आभार मानले. राष्ट्रवादीच्या या उपाहासात्मक आंदोलनाची जिल्ह्यात चांगलीच चर्चा रंगली आहे.