हातकणंगले : मराठा आरक्षणाच्या मागणीसाठी शांततेत आणि सनदशीर मार्गांनी आंदोलन केलेल्या हातकणंगले येथील ३० हून अधिक आंदोलकांवर पोलिसांनी खोटे गुन्हे दाखल केले आहेत. ५ नोव्हेंबरपूर्वी मागणीची पूर्तता करावी, अन्यथा ६ नोव्हेंबरपासून पोलिस ठाण्याच्या दारात बेमुदत साखळी उपोषण, मोर्चा, रास्ता रोको अशा विविध मार्गांनी आंदोलन करू, असा इशारा सकल मराठा समाज हातकणंगले तालुका समन्वय समितीच्या वतीने दिला आहे. समितीच्या शिष्टमंडळाने याबाबतचे निवेदन मंगळवारी हातकणंगले पोलिसांना दिले. शिष्टमंडळात अध्यक्ष प्रा. रवींद्र पाटील, उपाध्यक्ष दीपक कुन्नुरे, सचिव भाऊसाहेब फास्के, शिवाजी पाटील, पंडित निंबाळकर, आदींचा समावेश होता.
गुन्हे मागे घ्या, अन्यथा आंदोलन
मराठा आरक्षणाच्या मागणीसाठी शांततेत आणि सनदशीर मार्गांनी आंदोलन केलेल्या हातकणंगले येथील ३० हून अधिक आंदोलकांवर पोलिसांनी खोटे गुन्हे दाखल केले आहेत...
Maharashtra Times 31 Oct 2018, 4:00 am