म. टा. प्रतिनिधी, कोल्हापूर
कोल्हापूर जिल्हा परिषद कर्मचारी सहकारी सोसायटीची वार्षिक सर्वसाधारण सभा संस्थेच्या अहवाल वर्षातील खर्चावरून गाजली. स्टेशनरी, समारंभ, पोस्टेज, मिटिंग खर्च, दैनिक भत्ता व किरकोळ खर्च जादा झाल्याचा आक्षेप विरोधकांनी नोंदविला. त्याला सत्ताधाऱ्यांनी संस्थेचा कारभार काटकसरीने सुरू असल्याचे सांगत विरोधकांचा अधिक खर्चाचा आक्षेप फेटाळला. यावरून सत्ताधारी व विरोधकांमध्ये खडाजंगी उडाली आणि सभेत गोंधळ झाला.
संस्थेच्या मुख्यालय इमारतीच्या बांधकाम पूर्णत्वाचा दाखला व भोगवटा प्रमाणपत्रावरून गोंधळ वाढला. त्यावेळी बहुतांश सभासदांनी सर्व विषय मंजूर, मंजूर असा घोषा सुरू केला. मंजुरीच्या या घोषणेतच सत्ताधाऱ्यांनी सभा संपल्याचे जाहीर केले. उपाध्यक्ष शांताराम माने सभेच्या अध्यक्षस्थानी होते. सभेत संस्थेचे सभागृह भाड्याने देण्याचा व ऑनलाइन बुकिंगचा विषयही गाजला. बांबवडे शाखेतील बांधकाम व इतर कामासाठी खर्च केलेल्या १२ लाख रुपयांचा उल्लेख अहवालात का केला नाही? असा मुद्दा उपस्थित झाला.
संचालक एन. डी. पाटील यांनी स्वागत व संचालिका संगीता गुजर यांच्या ठराव वाचनाने सभेला सुरुवात झाली. व्यवस्थापक व्ही. एन. बोरगे यांनी विषयपत्रिकेचे वाचन केले. यानंतर उपाध्यक्ष माने यांनी सभासदांकडून आलेल्या प्रश्नांना उत्तरे देण्यास सुरुवात केली. माने म्हणाले, 'सभासदांना १२.५० टक्के लाभांश व कायम ठेवीवर ११ टक्के व्याज देण्याचा निर्णय झाला आहे. मुख्यालयासह चार शाखा स्वमालकीच्या इमारतीमध्ये आहेत.'
विरोधी गटाचे सचिन जाधव यांनी अहवालाचा आधार घेत स्टेशनरी (७९,१३४ रुपये), समारंभ खर्च (४८,७९७), पोस्टेज खर्च (७१,९०७),किरकोळ खर्च (१,९७,८५५), मिटिंग भत्ता (२,६७,९०००), मिटिंग खर्च (१,२०,४२९), प्रवास खर्चाचा आकडेवारी (२,१७,६०७) मांडत तो जादा असल्याचे निदर्शनास आणले. तसेच अहवालातील मजुरीच्या नावाखाली ४ लाख ७८ हजार रुपयांचा खर्चाकडे लक्ष वेधले. उपाध्यक्ष माने यांनी 'वर्षभरात संचालक मंडळाने काटकसरीने कारभार केला. २००८ मधील तत्कालीन संचालक मंडळाने किरकोळ खर्च दोन लाखांपेक्षा अधिक केला होता, त्यापेक्षा यंदाचा खर्च कमी असल्याचे म्हणताच विरोधकांनी त्यांच्या विधानाला हरकत घेतली.'
'जुने उगाळत बसण्यापेक्षा सद्य:स्थितीवर बोला,' असे सांगत मानसिंग वास्कर, वीरेंद्र काळे, बंडू प्रभावळे, शरद देसाई व्यासपीठासमोर येऊन जाब विचारू लागले. त्यावर सत्ताधारी सदस्यांनी, 'संचालक मंडळाचा कारभार चांगला आहे, कुणी आक्षेप घेण्याची आवश्यकता नाही' असे सांगत सर्व विषय मंजूर, मंजूर अशा घोषणा दिल्या. जवळपास सव्वा तास चाललेल्या सभेत सर्व विषय मंजूर झाले. सभेला संचालक सचिन मगर, राजीव परीट, बजरंग कांबळे, रवींद्र घस्ते, विष्णू तळेकर, रवींद्र घस्ते, सुनील मिसाळ, आदी उपस्थित होते. रणजित पाटील यांनी आभार मानले.
कोल्हापूर जिल्हा परिषद कर्मचारी सहकारी सोसायटीची वार्षिक सर्वसाधारण सभा संस्थेच्या अहवाल वर्षातील खर्चावरून गाजली. स्टेशनरी, समारंभ, पोस्टेज, मिटिंग खर्च, दैनिक भत्ता व किरकोळ खर्च जादा झाल्याचा आक्षेप विरोधकांनी नोंदविला. त्याला सत्ताधाऱ्यांनी संस्थेचा कारभार काटकसरीने सुरू असल्याचे सांगत विरोधकांचा अधिक खर्चाचा आक्षेप फेटाळला. यावरून सत्ताधारी व विरोधकांमध्ये खडाजंगी उडाली आणि सभेत गोंधळ झाला.
संस्थेच्या मुख्यालय इमारतीच्या बांधकाम पूर्णत्वाचा दाखला व भोगवटा प्रमाणपत्रावरून गोंधळ वाढला. त्यावेळी बहुतांश सभासदांनी सर्व विषय मंजूर, मंजूर असा घोषा सुरू केला. मंजुरीच्या या घोषणेतच सत्ताधाऱ्यांनी सभा संपल्याचे जाहीर केले. उपाध्यक्ष शांताराम माने सभेच्या अध्यक्षस्थानी होते. सभेत संस्थेचे सभागृह भाड्याने देण्याचा व ऑनलाइन बुकिंगचा विषयही गाजला. बांबवडे शाखेतील बांधकाम व इतर कामासाठी खर्च केलेल्या १२ लाख रुपयांचा उल्लेख अहवालात का केला नाही? असा मुद्दा उपस्थित झाला.
संचालक एन. डी. पाटील यांनी स्वागत व संचालिका संगीता गुजर यांच्या ठराव वाचनाने सभेला सुरुवात झाली. व्यवस्थापक व्ही. एन. बोरगे यांनी विषयपत्रिकेचे वाचन केले. यानंतर उपाध्यक्ष माने यांनी सभासदांकडून आलेल्या प्रश्नांना उत्तरे देण्यास सुरुवात केली. माने म्हणाले, 'सभासदांना १२.५० टक्के लाभांश व कायम ठेवीवर ११ टक्के व्याज देण्याचा निर्णय झाला आहे. मुख्यालयासह चार शाखा स्वमालकीच्या इमारतीमध्ये आहेत.'
विरोधी गटाचे सचिन जाधव यांनी अहवालाचा आधार घेत स्टेशनरी (७९,१३४ रुपये), समारंभ खर्च (४८,७९७), पोस्टेज खर्च (७१,९०७),किरकोळ खर्च (१,९७,८५५), मिटिंग भत्ता (२,६७,९०००), मिटिंग खर्च (१,२०,४२९), प्रवास खर्चाचा आकडेवारी (२,१७,६०७) मांडत तो जादा असल्याचे निदर्शनास आणले. तसेच अहवालातील मजुरीच्या नावाखाली ४ लाख ७८ हजार रुपयांचा खर्चाकडे लक्ष वेधले. उपाध्यक्ष माने यांनी 'वर्षभरात संचालक मंडळाने काटकसरीने कारभार केला. २००८ मधील तत्कालीन संचालक मंडळाने किरकोळ खर्च दोन लाखांपेक्षा अधिक केला होता, त्यापेक्षा यंदाचा खर्च कमी असल्याचे म्हणताच विरोधकांनी त्यांच्या विधानाला हरकत घेतली.'
'जुने उगाळत बसण्यापेक्षा सद्य:स्थितीवर बोला,' असे सांगत मानसिंग वास्कर, वीरेंद्र काळे, बंडू प्रभावळे, शरद देसाई व्यासपीठासमोर येऊन जाब विचारू लागले. त्यावर सत्ताधारी सदस्यांनी, 'संचालक मंडळाचा कारभार चांगला आहे, कुणी आक्षेप घेण्याची आवश्यकता नाही' असे सांगत सर्व विषय मंजूर, मंजूर अशा घोषणा दिल्या. जवळपास सव्वा तास चाललेल्या सभेत सर्व विषय मंजूर झाले. सभेला संचालक सचिन मगर, राजीव परीट, बजरंग कांबळे, रवींद्र घस्ते, विष्णू तळेकर, रवींद्र घस्ते, सुनील मिसाळ, आदी उपस्थित होते. रणजित पाटील यांनी आभार मानले.