कोल्हापूर: मी राष्ट्रपती नियुक्त खासदार आहे, हे पद मागायला मी भाजपकडे गेलो नव्हतो, त्यांनीच स्वतःहून मला सन्मानाने हे पद दिले आहे, असा टोला खासदार संभाजीराजे यांनी आज कोल्हापुरात पत्रकारांशी बोलताना मारला. ( Sambhaji Raje Slams Chandrakant Patil ) वाचा: मराठा आरक्षण: गृहमंत्री दिलीप वळसे पाटील यांनी नक्षलवाद्यांना दिला 'हा' इशारा
संभाजीराजे कितीही नाकारत असले तरी ते ऑनपेपर भाजपचे खासदार आहेत, भाजपचे नेते आहेत, असा चिमटा भाजप प्रदेशाध्यक्ष चंद्रकांत पाटील यांनी दोन दिवसांपूर्वी काढला होता. या पार्श्वभूमीवर बोलताना संभाजीराजे यांनी पाटील यांना प्रत्युत्तर दिले. संभाजीराजे पत्रकारांशी बोलताना म्हणाले, कोणी कितीही कागदपत्रे दाखवत असतील, पुरावे दाखवत असतील तर ते त्यांना दाखवू दे, मी भाजपचा सहयोगी सदस्य आहे पण खासदारपद मागण्यासाठी मी त्यांच्याकडे गेलो नव्हतो. ते स्वतः माझ्याकडे आले होते. त्यांनी मला सन्मानपूर्वक हे पद दिले. त्या बद्दल मी पंतप्रधान नरेंद्र मोदी, माजी मुख्यमंत्री देवेंद्र फडणवीस यांचे कौतुकच करतो अशी पुष्टीही त्यांनी जोडली.
वाचा: संभाजीराजेंना राष्ट्रवादी काँग्रेसमध्ये आणण्याच्या हालचाली
'मी राष्ट्रपती नियुक्त खासदार आहे. आदरपूर्वक मला हे पद दिले आहे. माझे सर्वच पक्षातील नेत्यांशी अतिशय चांगले संबंध आहेत. देवेंद्र फडणवीस असो मुख्यमंत्री उद्धव ठाकरे असो वा उपमुख्यमंत्री अजित पवार या सर्वांशी माझे चांगले जमते. राज ठाकरे हेदेखील मला जवळचे आहेत. आता तर प्रकाश आंबेडकर हेसुद्धा जवळचे झाले आहेत. त्यामुळे सर्वच पक्षात आपले चांगले संबंध आहेत', असे सूचक विधानही संभाजीराजे यांनी केले. मराठा आरक्षण प्रश्नी सुरू असलेला लढा हा केवळ मराठा समाजाला न्याय मिळवून देण्यासाठी आहे, यामध्ये कोणताही राजकीय अजेंडा नाही, असे स्पष्टीकरणही त्यांनी दिले.
वाचा: लोकप्रतिनिधींना गाडण्याचे उदयनराजेंचे वक्तव्य, अजित पवार म्हणाले...
संभाजीराजे कितीही नाकारत असले तरी ते ऑनपेपर भाजपचे खासदार आहेत, भाजपचे नेते आहेत, असा चिमटा भाजप प्रदेशाध्यक्ष चंद्रकांत पाटील यांनी दोन दिवसांपूर्वी काढला होता. या पार्श्वभूमीवर बोलताना संभाजीराजे यांनी पाटील यांना प्रत्युत्तर दिले. संभाजीराजे पत्रकारांशी बोलताना म्हणाले, कोणी कितीही कागदपत्रे दाखवत असतील, पुरावे दाखवत असतील तर ते त्यांना दाखवू दे, मी भाजपचा सहयोगी सदस्य आहे पण खासदारपद मागण्यासाठी मी त्यांच्याकडे गेलो नव्हतो. ते स्वतः माझ्याकडे आले होते. त्यांनी मला सन्मानपूर्वक हे पद दिले. त्या बद्दल मी पंतप्रधान नरेंद्र मोदी, माजी मुख्यमंत्री देवेंद्र फडणवीस यांचे कौतुकच करतो अशी पुष्टीही त्यांनी जोडली.
वाचा: संभाजीराजेंना राष्ट्रवादी काँग्रेसमध्ये आणण्याच्या हालचाली
'मी राष्ट्रपती नियुक्त खासदार आहे. आदरपूर्वक मला हे पद दिले आहे. माझे सर्वच पक्षातील नेत्यांशी अतिशय चांगले संबंध आहेत. देवेंद्र फडणवीस असो मुख्यमंत्री उद्धव ठाकरे असो वा उपमुख्यमंत्री अजित पवार या सर्वांशी माझे चांगले जमते. राज ठाकरे हेदेखील मला जवळचे आहेत. आता तर प्रकाश आंबेडकर हेसुद्धा जवळचे झाले आहेत. त्यामुळे सर्वच पक्षात आपले चांगले संबंध आहेत', असे सूचक विधानही संभाजीराजे यांनी केले. मराठा आरक्षण प्रश्नी सुरू असलेला लढा हा केवळ मराठा समाजाला न्याय मिळवून देण्यासाठी आहे, यामध्ये कोणताही राजकीय अजेंडा नाही, असे स्पष्टीकरणही त्यांनी दिले.
वाचा: लोकप्रतिनिधींना गाडण्याचे उदयनराजेंचे वक्तव्य, अजित पवार म्हणाले...