म. टा. प्रतिनिधी, कोल्हापूर
डॉ. नरेंद्र दाभोलकर यांच्या हत्येप्रकरणी सीबीआयने संशयित वीरेंद्रसिंह तावडे याला अटक केल्यानंतर आता कोल्हापुरातही संशयितांची कसून चौकशी सुरू आहे. सीबीआयच्या पथकाने सोमवारी मध्यरात्रीपासून शहरातील २५ संशयितांची चौकशी केली, तर कॉम्रेड पानसरे हत्या प्रकरणातील पाच साक्षीदारांकडेही माहिती घेतली. मडगाव स्फोटातील फरार आरोपी पोलिसांच्या रडावर असून, यातील प्रवीण लिमकर हा कोल्हापुरातील आहे.
सीबीआयने डॉ. विरेंद्र तावडे याच्या अटकेनंतर चार दिवसांनी कोल्हापुराकडे मोर्चा वळवला. तावडे याला अटक करण्यासाठी कोल्हापुरातील एका साक्षीदाराने महत्त्वाची माहिती सीबीआयला पुरवली. हा सक्षीदार काही काळ सनातन संस्थेशी संबंधित होता. गेल्या दोन वर्षांपासून तो पोलिसांच्या संपर्कात असून, त्याच्याकडून मिळालेल्या माहितीच्या आधारेच सीबीआयने तावडेला अटक केली. डॉ. दाभोलकर यांच्या हत्येनंतर हाच साक्षीदार कोल्हापूर पोलिसांनाही माहिती देण्यासाठी गेला. मात्र, तत्कालीन पोलिस अधिकाऱ्यांनी गांभीर्याने ही माहिती घेतली नाही, असा आरोपही या साक्षीदाराचा आहे.
सोमवारी रात्री सीबीआयच्या पथकाने स्थानिक पोलिसांच्या मदतीने शहरातील २५ जणांची चौकशी केली. यातील बहुतांश तावडे याच्या संपर्कात होते. पोलिसांनी डॉ. दाभोलकर आणि कॉम्रेड पानसरे यांच्या हत्येचा तपास करताना मडगाव स्फोटातील फरार आरोपींना शोधण्यासाठी प्रयत्न सुरू ठेवले आहेत. यातील काही आरोपींचा हत्यांमध्ये थेट संबंध असल्याचा तपास यंत्रणांना संशय आहे, त्यामुळेच सीबीआयने कोल्हापुरातील फरार आरोपी प्रवीण लिमकर याचा शोध सुरू केला आहे. लिमकर सोबत रुद्र पाटील आणि इतर चार फरार आरोपी सीबीआयच्या रडारवर आहेत. सीबीआयच्या पथकाने या अनुषंगानेही चौकशी केली आहे.
डॉ. दाभोलकर यांच्या कुटुंबीयांसह पानसरे कुटुंबीयांनीही सुरूवातीपासूनच सनातन संस्थेवर संशय व्यक्त केला आहे. मुक्ता दाभोलकर यांनी नुक्तीच सनातकनवर बंदी घालण्याच्या मागणीचाही पुनरुच्चार केला आहे, त्यामुळे सनातन संस्थेतील साधकांच्या हालचालींवरील पोलिसांचा वॉच वाढला आहे.
पानसरेंचा तपासही सीबीआयकडे द्या
‘कॉम्रेड पानसरे हत्या प्रकरणात पोलिसांनी एका संशयिताला अटक केली असली तीरीही, तपासाला अपेक्षित गती नाही. तपासासाठी एसआयटीची नेमणूक करूनही गतीने तपास होत नसल्याने हा तपास सीबीआयकडे सोपवावा’, अशी मागणी जेष्ठ पत्रकार केतन तिरोडकर यांनी हायकोर्टात याआधीच केली आहे. आता पानसरे कुटुंबीयांकडूनही हायकोर्टात अशी मागणी होऊ शकते.
डॉ. नरेंद्र दाभोलकर यांच्या हत्येप्रकरणी सीबीआयने संशयित वीरेंद्रसिंह तावडे याला अटक केल्यानंतर आता कोल्हापुरातही संशयितांची कसून चौकशी सुरू आहे. सीबीआयच्या पथकाने सोमवारी मध्यरात्रीपासून शहरातील २५ संशयितांची चौकशी केली, तर कॉम्रेड पानसरे हत्या प्रकरणातील पाच साक्षीदारांकडेही माहिती घेतली. मडगाव स्फोटातील फरार आरोपी पोलिसांच्या रडावर असून, यातील प्रवीण लिमकर हा कोल्हापुरातील आहे.
सीबीआयने डॉ. विरेंद्र तावडे याच्या अटकेनंतर चार दिवसांनी कोल्हापुराकडे मोर्चा वळवला. तावडे याला अटक करण्यासाठी कोल्हापुरातील एका साक्षीदाराने महत्त्वाची माहिती सीबीआयला पुरवली. हा सक्षीदार काही काळ सनातन संस्थेशी संबंधित होता. गेल्या दोन वर्षांपासून तो पोलिसांच्या संपर्कात असून, त्याच्याकडून मिळालेल्या माहितीच्या आधारेच सीबीआयने तावडेला अटक केली. डॉ. दाभोलकर यांच्या हत्येनंतर हाच साक्षीदार कोल्हापूर पोलिसांनाही माहिती देण्यासाठी गेला. मात्र, तत्कालीन पोलिस अधिकाऱ्यांनी गांभीर्याने ही माहिती घेतली नाही, असा आरोपही या साक्षीदाराचा आहे.
सोमवारी रात्री सीबीआयच्या पथकाने स्थानिक पोलिसांच्या मदतीने शहरातील २५ जणांची चौकशी केली. यातील बहुतांश तावडे याच्या संपर्कात होते. पोलिसांनी डॉ. दाभोलकर आणि कॉम्रेड पानसरे यांच्या हत्येचा तपास करताना मडगाव स्फोटातील फरार आरोपींना शोधण्यासाठी प्रयत्न सुरू ठेवले आहेत. यातील काही आरोपींचा हत्यांमध्ये थेट संबंध असल्याचा तपास यंत्रणांना संशय आहे, त्यामुळेच सीबीआयने कोल्हापुरातील फरार आरोपी प्रवीण लिमकर याचा शोध सुरू केला आहे. लिमकर सोबत रुद्र पाटील आणि इतर चार फरार आरोपी सीबीआयच्या रडारवर आहेत. सीबीआयच्या पथकाने या अनुषंगानेही चौकशी केली आहे.
डॉ. दाभोलकर यांच्या कुटुंबीयांसह पानसरे कुटुंबीयांनीही सुरूवातीपासूनच सनातन संस्थेवर संशय व्यक्त केला आहे. मुक्ता दाभोलकर यांनी नुक्तीच सनातकनवर बंदी घालण्याच्या मागणीचाही पुनरुच्चार केला आहे, त्यामुळे सनातन संस्थेतील साधकांच्या हालचालींवरील पोलिसांचा वॉच वाढला आहे.
पानसरेंचा तपासही सीबीआयकडे द्या
‘कॉम्रेड पानसरे हत्या प्रकरणात पोलिसांनी एका संशयिताला अटक केली असली तीरीही, तपासाला अपेक्षित गती नाही. तपासासाठी एसआयटीची नेमणूक करूनही गतीने तपास होत नसल्याने हा तपास सीबीआयकडे सोपवावा’, अशी मागणी जेष्ठ पत्रकार केतन तिरोडकर यांनी हायकोर्टात याआधीच केली आहे. आता पानसरे कुटुंबीयांकडूनही हायकोर्टात अशी मागणी होऊ शकते.