म. टा. प्रतिनिधी, कोल्हापूर
वारणानगरातील कोट्यवधी रुपयांच्या लूट प्रकरणातील चार पोलिसांचा जामीन अर्ज जिल्हा व सत्र न्यायालयाने फेटाळल्यानंतर मैनुद्दीनला चोरीत मदत करणाऱ्या आणखी दोन साथीदारांचाही जामीन अर्ज कोर्टाने फेटाळला. मंगळवारी (ता. ९) जिल्हा व सत्र न्यायाधीश एल. डी. बिले यांनी संशयित महादेव उर्फ गुंडा नामदेव ढोले (वय ४४, रा. कोडोली, ता. पन्हाळा) आणि संदीप बाबासाहेब तोरस्कर (३७, रा. बापट कॅम्प, कोल्हापूर) या दोघांचा जामीन फेटाळला. हे दोन्ही संशयित चोरी करताना मैनुद्दीनसोबत होते. दरम्यान, गुंडा ढोले याने चोरीतील १५ लाखांची रक्कम घेतल्याचे तपासात स्पष्ट झाले आहे.
मैनुद्दीनचे साथीदार महादेव उर्फ गुंडा ढोले आणि संदीप तोरस्कर या दोघांना कोल्हापूर पोलिसांनी २२ एप्रिलला अटक केली होती. दोघेही खासगी वाहनांवर ड्रायव्हर असून, ते वारणा शिक्षण संस्थेत वाहनचालक पदावर काम करीत होते. चोरीतील रक्कम मिरजेला घेऊन जाण्यासाठी तोरस्करची तवेरा कार वापरली होती. तर ढोले याने रकमेची टीप मैनुद्दीनला दिली होती. स्थानिक गुन्हे अन्वेषण शाखेने नव्याने केलेल्या तपासात हा प्रकार उघडकीस आल्यानंतर दोघांनाही अटक झाली. मंगळवारी दोघांनाही जिल्हा व सत्र न्यायाधीश एल. डी. बिले यांच्यासमोर हजर केले असता, त्यांनी संशयितांना १४ दिवसांची न्यायालयीन कोठडी सुनावली. सरकारी वकील ए. एम. पिरजादे यांनी युक्तिवाद केला.
ढोलेकडून चार लाख वसूल
महादेव उर्फ गुंडा ढोले हा कोडोलीत राहतो. वारणा शिक्षण संस्थेत तो गेल्या दहा वर्षांपासून काम करतो. अनेक संचालकांशी त्याची जवळीक आहे. ढोलेला फ्लॅट क्रमांक तीनमध्ये मोठी रक्कम असल्याची माहिती मिळाली होती. ढोलेने ही माहिती मैनुद्दीनला पुरवली. त्यासाठी ढोलेला १५ लाख रुपये मिळाले. यातील सुमारे चार लाख रुपये वसूल करण्यात पोलिसांना यश आले.
वारणानगरातील कोट्यवधी रुपयांच्या लूट प्रकरणातील चार पोलिसांचा जामीन अर्ज जिल्हा व सत्र न्यायालयाने फेटाळल्यानंतर मैनुद्दीनला चोरीत मदत करणाऱ्या आणखी दोन साथीदारांचाही जामीन अर्ज कोर्टाने फेटाळला. मंगळवारी (ता. ९) जिल्हा व सत्र न्यायाधीश एल. डी. बिले यांनी संशयित महादेव उर्फ गुंडा नामदेव ढोले (वय ४४, रा. कोडोली, ता. पन्हाळा) आणि संदीप बाबासाहेब तोरस्कर (३७, रा. बापट कॅम्प, कोल्हापूर) या दोघांचा जामीन फेटाळला. हे दोन्ही संशयित चोरी करताना मैनुद्दीनसोबत होते. दरम्यान, गुंडा ढोले याने चोरीतील १५ लाखांची रक्कम घेतल्याचे तपासात स्पष्ट झाले आहे.
मैनुद्दीनचे साथीदार महादेव उर्फ गुंडा ढोले आणि संदीप तोरस्कर या दोघांना कोल्हापूर पोलिसांनी २२ एप्रिलला अटक केली होती. दोघेही खासगी वाहनांवर ड्रायव्हर असून, ते वारणा शिक्षण संस्थेत वाहनचालक पदावर काम करीत होते. चोरीतील रक्कम मिरजेला घेऊन जाण्यासाठी तोरस्करची तवेरा कार वापरली होती. तर ढोले याने रकमेची टीप मैनुद्दीनला दिली होती. स्थानिक गुन्हे अन्वेषण शाखेने नव्याने केलेल्या तपासात हा प्रकार उघडकीस आल्यानंतर दोघांनाही अटक झाली. मंगळवारी दोघांनाही जिल्हा व सत्र न्यायाधीश एल. डी. बिले यांच्यासमोर हजर केले असता, त्यांनी संशयितांना १४ दिवसांची न्यायालयीन कोठडी सुनावली. सरकारी वकील ए. एम. पिरजादे यांनी युक्तिवाद केला.
ढोलेकडून चार लाख वसूल
महादेव उर्फ गुंडा ढोले हा कोडोलीत राहतो. वारणा शिक्षण संस्थेत तो गेल्या दहा वर्षांपासून काम करतो. अनेक संचालकांशी त्याची जवळीक आहे. ढोलेला फ्लॅट क्रमांक तीनमध्ये मोठी रक्कम असल्याची माहिती मिळाली होती. ढोलेने ही माहिती मैनुद्दीनला पुरवली. त्यासाठी ढोलेला १५ लाख रुपये मिळाले. यातील सुमारे चार लाख रुपये वसूल करण्यात पोलिसांना यश आले.