म. टा. वृत्तसेवा, सांगली
पोलिसांच्या अमानुषतेचा बळी ठरलेल्या अनिकेत कोथळेच्या कुटुंबीयांची मागणी अखेर मान्य झाली आणि कुटुंबीयांचा संशय असलेल्या दोन व्यक्तींची चौकशी सीआयडीने सुरू केली. यामध्ये अनिकेत कामाला असलेल्या लकी बॅग दुकानाचा मालक निलेश खत्री आणि त्या मालकाची बाजू घेणारा गिरीष लोहाना यांचा समावेश आहे.
बॅग दुकानात संशयित युवराज कामटे याचे येणेजाणे आणि त्या दुकानात अवैध कृत्य चालत असल्याचा कुटुंबीयांचा संशय आहे. अनिकेतचा अमानुष छळ करुन खून करण्याचे नेमके कारण बॅग दुकानाशी निगडीत आहे का?, याचा उलगडा होण्यासाठी कुटुंबीयांनी संबंधित दोघांची कसून चौकशी करण्याची मागणी लावून धरली होती. अनिकेतचा त्या दुकानाशी चार ते पाच वर्षांपासून संबंध होता. पण त्याच्या कामात सातत्य नव्हते, अशीही माहिती पुढे आली आहे.
दरम्यान, सीआयडीच्या पथकाने मंगळवारी कोथळे आणि भंडारेविरोधात फिर्याद दिलेल्याचीही चौकशी केली असून, सात निलंबित पोलिसांचीही चौकशी केली जाणार आहे.
सीसीटीव्हीचा डीव्हीआर जप्त
कोथळेच्या कुटुंबीयांनी बॅग दुकानदारासह दोघांवर संशय घेतल्याने सीआयडीने त्यांची चौकशी सुरु केली. बॅग दुकानातील सीसीटिव्हीचा डीव्हीआर ताब्यात घेतला आहे. तत्पूर्वी अनिकेतचा कोठडीत खून झाल्याचे समोर येताच सीआयडीने लकी बॅग दुकानावर तत्काळ छापा घातला होता. अनिकेतच्या खुनाचे प्रकरण उजेडात आल्यापासून बॅग दुकान आणि त्याठिकाणच्या अवैध कृत्यांबाबत सतत चर्चा होत आहे. त्यामुळे नेमका प्रकार काय आणि त्या दुकानाशी पोलिस अधिकारी, कर्मचाऱ्यांचा सतत संबध येण्याचे कारण काय? या पातळीवर सीआयडीला सखोल तपास करावा लागणार आहे.
पोलिसांच्या अमानुषतेचा बळी ठरलेल्या अनिकेत कोथळेच्या कुटुंबीयांची मागणी अखेर मान्य झाली आणि कुटुंबीयांचा संशय असलेल्या दोन व्यक्तींची चौकशी सीआयडीने सुरू केली. यामध्ये अनिकेत कामाला असलेल्या लकी बॅग दुकानाचा मालक निलेश खत्री आणि त्या मालकाची बाजू घेणारा गिरीष लोहाना यांचा समावेश आहे.
बॅग दुकानात संशयित युवराज कामटे याचे येणेजाणे आणि त्या दुकानात अवैध कृत्य चालत असल्याचा कुटुंबीयांचा संशय आहे. अनिकेतचा अमानुष छळ करुन खून करण्याचे नेमके कारण बॅग दुकानाशी निगडीत आहे का?, याचा उलगडा होण्यासाठी कुटुंबीयांनी संबंधित दोघांची कसून चौकशी करण्याची मागणी लावून धरली होती. अनिकेतचा त्या दुकानाशी चार ते पाच वर्षांपासून संबंध होता. पण त्याच्या कामात सातत्य नव्हते, अशीही माहिती पुढे आली आहे.
दरम्यान, सीआयडीच्या पथकाने मंगळवारी कोथळे आणि भंडारेविरोधात फिर्याद दिलेल्याचीही चौकशी केली असून, सात निलंबित पोलिसांचीही चौकशी केली जाणार आहे.
सीसीटीव्हीचा डीव्हीआर जप्त
कोथळेच्या कुटुंबीयांनी बॅग दुकानदारासह दोघांवर संशय घेतल्याने सीआयडीने त्यांची चौकशी सुरु केली. बॅग दुकानातील सीसीटिव्हीचा डीव्हीआर ताब्यात घेतला आहे. तत्पूर्वी अनिकेतचा कोठडीत खून झाल्याचे समोर येताच सीआयडीने लकी बॅग दुकानावर तत्काळ छापा घातला होता. अनिकेतच्या खुनाचे प्रकरण उजेडात आल्यापासून बॅग दुकान आणि त्याठिकाणच्या अवैध कृत्यांबाबत सतत चर्चा होत आहे. त्यामुळे नेमका प्रकार काय आणि त्या दुकानाशी पोलिस अधिकारी, कर्मचाऱ्यांचा सतत संबध येण्याचे कारण काय? या पातळीवर सीआयडीला सखोल तपास करावा लागणार आहे.