म. टा. प्रतिनिधी, कोल्हापूर
रस्ता ओलांडताना ऊस वाहतूक करणाऱ्या ट्रॅक्टरखाली सापडून शाळकरी मुलाचा जागीच मृत्यू झाला. सूरज तानाजी पाटील (वय १६, रा. रामनगर, शिये, ता. करवीर) असे मृत मुलाचे नाव आहे. शिये-बावडा मार्गावर परमार पेट्रोल पंपासमोर मंगळवारी दुपारी दीडच्या सुमारास हा अपघात झाला. पोलिसांनी ट्रॅक्टर चालक शामराव बाळू कोळी (रा. रुकडी, ता. हातकणंगले) याच्यावर गुन्हा दाखल केला आहे.
शिरोली एमआयडीसी पोलिस ठाण्यातून मिळालेल्या माहितीनुसार, शामराव कोळी हा ट्रॅक्टर चालक मंगळवारी दुपारी दीडच्या सुमारास उसाने भरलेल्या दोन ट्रॉली आणि ट्रॅक्टर (एम.एक्स.एम. ६८५६) घेऊन शिये फाट्याकडून कसबा बावड्याकडे निघाला होता. परमार पेट्रोल पंपासमोर आल्यानंतर रस्ता ओलांडणाऱ्या सूरज पाटील या मुलाला ट्रॅक्टरने धडक दिली. या धडकेत रस्त्यावर कोसळलेल्या सूरजच्या अंगावरून ट्रॅक्टरचे चाक गेले. या घटनेनंतर घाबरलेल्या ट्रॅक्टर चालकाने घटनास्थळावरून पळ काढला. परिसरातील नागरिकांनी तातडीने गंभीर जखमी अवस्थेतील सूरजला उपचारासाठी सीपीआरमध्ये दाखल केले, मात्र उपचारापूर्वीच त्याचा मृत्यू झाल्याचे डॉक्टरांनी सांगितले. उत्तरीय तपासणीनंतर मृतदेह नातेवाईकांकडे सोपवण्यात आला.
सूरजचे नातेवाईक आकाश लक्ष्मण वाडकर (२४, रा. संभाजीनगर, नागाव, ता. हातकणंगले) यांनी शिरोली पोलिस ठाण्यात फिर्याद दाखल केली. यानुसार पोलिसांनी ट्रॅक्टर चालक शामराव कोळी याच्याविरोधात गुन्हा दाखल केला आहे. सूरज हा शिये येथील शाळेत शिकत होता. त्याच्या आईची शिरोली एमआयडीसी परिसरात चहाची गाडी आहे, तर वडील ड्रायव्हर आहेत. मुलाच्या अपघाताची माहिती मिळताच सूरजच्या आई-वडिलांना धक्का बसला आहे. नातेवाईकांनी सीपीआर परिसरात गर्दी केली होती.
रस्ता ओलांडताना ऊस वाहतूक करणाऱ्या ट्रॅक्टरखाली सापडून शाळकरी मुलाचा जागीच मृत्यू झाला. सूरज तानाजी पाटील (वय १६, रा. रामनगर, शिये, ता. करवीर) असे मृत मुलाचे नाव आहे. शिये-बावडा मार्गावर परमार पेट्रोल पंपासमोर मंगळवारी दुपारी दीडच्या सुमारास हा अपघात झाला. पोलिसांनी ट्रॅक्टर चालक शामराव बाळू कोळी (रा. रुकडी, ता. हातकणंगले) याच्यावर गुन्हा दाखल केला आहे.
शिरोली एमआयडीसी पोलिस ठाण्यातून मिळालेल्या माहितीनुसार, शामराव कोळी हा ट्रॅक्टर चालक मंगळवारी दुपारी दीडच्या सुमारास उसाने भरलेल्या दोन ट्रॉली आणि ट्रॅक्टर (एम.एक्स.एम. ६८५६) घेऊन शिये फाट्याकडून कसबा बावड्याकडे निघाला होता. परमार पेट्रोल पंपासमोर आल्यानंतर रस्ता ओलांडणाऱ्या सूरज पाटील या मुलाला ट्रॅक्टरने धडक दिली. या धडकेत रस्त्यावर कोसळलेल्या सूरजच्या अंगावरून ट्रॅक्टरचे चाक गेले. या घटनेनंतर घाबरलेल्या ट्रॅक्टर चालकाने घटनास्थळावरून पळ काढला. परिसरातील नागरिकांनी तातडीने गंभीर जखमी अवस्थेतील सूरजला उपचारासाठी सीपीआरमध्ये दाखल केले, मात्र उपचारापूर्वीच त्याचा मृत्यू झाल्याचे डॉक्टरांनी सांगितले. उत्तरीय तपासणीनंतर मृतदेह नातेवाईकांकडे सोपवण्यात आला.
सूरजचे नातेवाईक आकाश लक्ष्मण वाडकर (२४, रा. संभाजीनगर, नागाव, ता. हातकणंगले) यांनी शिरोली पोलिस ठाण्यात फिर्याद दाखल केली. यानुसार पोलिसांनी ट्रॅक्टर चालक शामराव कोळी याच्याविरोधात गुन्हा दाखल केला आहे. सूरज हा शिये येथील शाळेत शिकत होता. त्याच्या आईची शिरोली एमआयडीसी परिसरात चहाची गाडी आहे, तर वडील ड्रायव्हर आहेत. मुलाच्या अपघाताची माहिती मिळताच सूरजच्या आई-वडिलांना धक्का बसला आहे. नातेवाईकांनी सीपीआर परिसरात गर्दी केली होती.