निघाले मातोश्रीला, पोहोचले गुवाहाटीत!; आरोग्य राज्यमंत्रीही एकनाथ शिंदेसोबत

म. टा. प्रतिनिधी, कोल्हापूर : तातडीने येण्याचा निरोप मिळाल्याने मुंबईत मातोश्रीला निघालोय, असे म्हणत कोल्हापूरातून निघालेले आरोग्य राज्यमंत्री प्रत्यक्षात मात्र रात्री उशिरा थेट गुवाहाटीत पोहोचले. सोबत असणारे शिवसेनेचे खासदार संजय मंडलिक यांनाही त्यांनी चकवा दिला. दरम्यान, यड्रावकरांच्या बंडामुळे दक्षिण महाराष्ट्रातील सेनेची आमदारकीची पाटी कोरी झाली आहे.

दक्षिण महाराष्ट्रात शंभूराजे देसाई, महेश शिंदे, अनिल बाबर, प्रकाश आबिटकर व शहाजी पाटील हे पाच आमदार सेनेच्या तिकीटावर निवडून आले होते. राजेंद्र पाटील यांनी पक्षात प्रवेश केला होता. पहिल्या टप्प्यात आबिटकर वगळता इतर सारेजण शिंदेसोबत गेले. नाही नाही म्हणणारे आबिटकरही गुवाहाटीला पोहोचले. फक्त यड्रावकर हे एकमेव आमदार शिवसेनेसोबत राहिले होते.

कोल्हापुरात आलेल्या यड्रावकरांना मातोश्रीवरून निरोप आला. खासदार मंडलिक यांच्यासोबत ते कोल्हापुरातून मुंबईला निघाले. तेथे पोहोचल्यानंतर मी आवरून येतो, तुम्ही पुढे चला म्हणत यड्रावकर आपल्या निवासस्थानाकडे गेले. तेथून त्यांनी रात्रीच गुवाहाटी गाठले. त्यामुळे दक्षिण महाराष्ट्रातील एकमेव आमदारही शिंदेसोबत गेल्याने सेनेची आमदारकीची पाटी कोरी राहिली.

सेनेकडून मंत्रीपद मिळूनही यड्रावकरांनी याच पक्षाला रामराम केला. आपण सेनेसोबत असल्याचे ते सांगत असताना त्यांचे भाऊ गुवाहाटीत पोहोचले होते. आबिटकर यांचे भाऊ अर्जुन हे गद्दारी आमच्या रक्तात नाही असे म्हणत असताना आमदार आबिटकर मात्र आसामला पोहोचले. यामुळे भावांच्या खांद्यावर बंदूक ठेवत सारवासारव करणारे जिल्ह्यातील दोन्ही आमदार सेनेसोबत नसल्याचे स्पष्ट झाले.

कोल्हापूरचे शिवसेनेचे पाच माजी आमदार गोव्यात, आमदार आबिटकर नॉट रिचेबलच्या यादीत

दुसरीकडे हक्क असूनही मंत्रीपद न मिळाल्याने बाबर आणि आबिटकर यांनी जय महाराष्ट्र म्हटले. अनेक माजी आमदारही आता एकनाथ शिंदे यांच्यासोबत जाण्याच्या तयारीत आहेत. यामुळे दक्षिण महाराष्ट्रात शिवसेना अडचणीत आली आहे. हे सारे शिंदेसोबत गेल्याने शिवसेनेच्या ताकदीवर मोठा परिणाम होणार आहे.

अडीच वर्षात अपक्षांकडे केलेले दुर्लक्ष डोकेदुखी वाढवणार; महाविकास आघाडीचे