म. टा. प्रतिनिधी, कोल्हापूर
शिक्षण क्षेत्रात आदर्शवत कार्य करणाऱ्या शिवाजी विद्यापीठाला रोटरी समाजसेवा पुरस्कार जाहीर झाला आहे. रोटरी क्लबच्यावतीने गेल्या दहा वर्षापासून समाजामध्ये प्रदीर्घकाळ कार्यरत असणाऱ्या संस्था व व्यक्तींना समाजेवा पुरस्कार देवून गौरवण्यात येते. १९६२ मध्ये स्थापन झालेल्या विद्यापीठाने शिक्षणाद्वारे समाज विकासात अत्यंत मोलाचे योगदान दिले आहे. गुणवत्तेच्या प्रत्येक टप्प्यावर स्वतंत्र ओळख निर्माण केली आहे. ‘नॅक’ मूल्यांकन आणि केंद्रीय मनुष्यबळ विकास मंत्रालयाच्या नॅशनल इन्स्टिट्यूशन रॅकिंग फ्रेमवर्कमध्ये राज्यात अग्रस्थान पटकावले आहे. ‘शिक्षणातून समाज विकासाकडे’ हे स्वप्न सत्यात उतरविणाऱ्या विद्यापीठाने पुरस्कारावर मोहोर उमटवली आहे. यापूर्वी संस्थेने शाहू साखर कारखान्याचे संस्थापक विक्रमसिंह घाटगे, पैलवान गणपतराव आंदळकर, शिक्षण तज्ज्ञ डी. बी. पाटील, बालकल्याण संकुल, स्वयंसिद्धा, ताराराणी विद्यापीठ, वसंतराव मोहिते, डॉ. मा. ना. गोगटे, डॉ. प्रकाश आमटे आदींना पुरस्कार देवून गौरव केला आहे.
शिक्षण क्षेत्रात आदर्शवत कार्य करणाऱ्या शिवाजी विद्यापीठाला रोटरी समाजसेवा पुरस्कार जाहीर झाला आहे. रोटरी क्लबच्यावतीने गेल्या दहा वर्षापासून समाजामध्ये प्रदीर्घकाळ कार्यरत असणाऱ्या संस्था व व्यक्तींना समाजेवा पुरस्कार देवून गौरवण्यात येते. १९६२ मध्ये स्थापन झालेल्या विद्यापीठाने शिक्षणाद्वारे समाज विकासात अत्यंत मोलाचे योगदान दिले आहे. गुणवत्तेच्या प्रत्येक टप्प्यावर स्वतंत्र ओळख निर्माण केली आहे. ‘नॅक’ मूल्यांकन आणि केंद्रीय मनुष्यबळ विकास मंत्रालयाच्या नॅशनल इन्स्टिट्यूशन रॅकिंग फ्रेमवर्कमध्ये राज्यात अग्रस्थान पटकावले आहे. ‘शिक्षणातून समाज विकासाकडे’ हे स्वप्न सत्यात उतरविणाऱ्या विद्यापीठाने पुरस्कारावर मोहोर उमटवली आहे. यापूर्वी संस्थेने शाहू साखर कारखान्याचे संस्थापक विक्रमसिंह घाटगे, पैलवान गणपतराव आंदळकर, शिक्षण तज्ज्ञ डी. बी. पाटील, बालकल्याण संकुल, स्वयंसिद्धा, ताराराणी विद्यापीठ, वसंतराव मोहिते, डॉ. मा. ना. गोगटे, डॉ. प्रकाश आमटे आदींना पुरस्कार देवून गौरव केला आहे.