म. टा. वृत्तसेवा, सांगली
सुमारे तीस ते चाळीस लाखाच्या जुन्या पाचशेच्या नोटा असलेली कार संजयनगर पोलिसांनी सोमवारी रात्री पकडली. वसंतदादा औद्योगिक वसाहतीमधून (एमएच११ एडब्ल्यू ३७८४) सोमवारी रात्री ही कार ताब्यात घेण्यात आली आहे. कारमधील सॅकमध्ये जुन्या पाचशेच्या नोटांचे बंडल सापडले. कारमधील कुमारपाल संघवी (कराड ) आणि किशोर लुनीया (कोंडवा, पुणे ) या दोघांना पोलिसांनी ताब्यात घेतले आहे.
एका पांढऱ्या रंगाच्या आयट्वेंटी कारमधून जुन्या नोटांची वाहतूक केली जात असल्याची माहिती संजयनगर पोलिसांना मिळाली होती. सोमवारी रात्री पोलिसांनी औद्योगिक वसाहतीमधील आरटीओ कार्यालयाजवळ कार अडवली. त्यावेळी गाडीतील कॅरीबॅगबाबत सवाल करताच कारमालकाने पैसे असल्याचे सांगितले. कॅरीबॅगमध्ये असलेल्या सॅकमध्ये पाचशेच्या जुना नोटांचे बंडल होते. त्या कारमध्ये दोन महिलाही असल्याने पोलिसांनी गाडी पोलिस ठाण्यात आणली. ती कार कराडकडून आली असल्याची माहिती पुढे येत आहे. संबंधिताने प्राथमिक चौकशी मुलाला किडनीस्टोनचा आजार असल्याने त्याच्यावर उपचार करण्यासाठी सांगलीकडे आलो असल्याची माहिती कुमारपाल संघवी आणि किशोर लुनिया या दोघांनी पोलिसांना दिली आहे. नोटांबाबतीत मात्र त्यांनी नेमकी माहिती अद्याप दिली नाही. त्या नोटा नेमक्या किती रकमेच्या आहेत, याची खात्री करण्यासाठी नोटा मोजण्याचे मशीन मागविले आहे. नोटा किती रकमेच्या आहेत याची खात्री झाल्यानंतर संबधितांचा जबाब नोंदविला जाणार असल्याचे पोलिस निरीक्षक प्रदीपकुमार जाधव यांनी सांगितले.
सुमारे तीस ते चाळीस लाखाच्या जुन्या पाचशेच्या नोटा असलेली कार संजयनगर पोलिसांनी सोमवारी रात्री पकडली. वसंतदादा औद्योगिक वसाहतीमधून (एमएच११ एडब्ल्यू ३७८४) सोमवारी रात्री ही कार ताब्यात घेण्यात आली आहे. कारमधील सॅकमध्ये जुन्या पाचशेच्या नोटांचे बंडल सापडले. कारमधील कुमारपाल संघवी (कराड ) आणि किशोर लुनीया (कोंडवा, पुणे ) या दोघांना पोलिसांनी ताब्यात घेतले आहे.
एका पांढऱ्या रंगाच्या आयट्वेंटी कारमधून जुन्या नोटांची वाहतूक केली जात असल्याची माहिती संजयनगर पोलिसांना मिळाली होती. सोमवारी रात्री पोलिसांनी औद्योगिक वसाहतीमधील आरटीओ कार्यालयाजवळ कार अडवली. त्यावेळी गाडीतील कॅरीबॅगबाबत सवाल करताच कारमालकाने पैसे असल्याचे सांगितले. कॅरीबॅगमध्ये असलेल्या सॅकमध्ये पाचशेच्या जुना नोटांचे बंडल होते. त्या कारमध्ये दोन महिलाही असल्याने पोलिसांनी गाडी पोलिस ठाण्यात आणली. ती कार कराडकडून आली असल्याची माहिती पुढे येत आहे. संबंधिताने प्राथमिक चौकशी मुलाला किडनीस्टोनचा आजार असल्याने त्याच्यावर उपचार करण्यासाठी सांगलीकडे आलो असल्याची माहिती कुमारपाल संघवी आणि किशोर लुनिया या दोघांनी पोलिसांना दिली आहे. नोटांबाबतीत मात्र त्यांनी नेमकी माहिती अद्याप दिली नाही. त्या नोटा नेमक्या किती रकमेच्या आहेत, याची खात्री करण्यासाठी नोटा मोजण्याचे मशीन मागविले आहे. नोटा किती रकमेच्या आहेत याची खात्री झाल्यानंतर संबधितांचा जबाब नोंदविला जाणार असल्याचे पोलिस निरीक्षक प्रदीपकुमार जाधव यांनी सांगितले.