मुद्रांक संघटनेचेआज आंदोलन

गडहिंग्लज

मुद्रांक विक्रेते व दस्त लेखानिकांनी सरकारचे लक्ष वेधण्यासाठी सोमवारी (ता.२५) राज्यव्यापी लेखणी बंद आंदोलनाचा निर्णय घेतला आहे. या संपात गडहिंग्लज, आजरा व चंदगडमधील विक्रेते व लेखानिकांनी सहभागी व्हावे, असे आवाहन गडहिंग्लज संघटनेचे समन्वयक प्रकाश कांबळे यांनी केले आहे. राज्यातील मुद्रांक विक्रेत्यांना यापूर्वी तीस हजारपर्यंतची मुद्रांक विक्री करण्याची परवानगी होती. परंतु २३ जानेवारी २०१५ ला अप्पर मुद्रांक नियंत्रकांनी आदेश काढून एक हजार व त्यावरील मुद्रांक वितरण करण्याचे थांबवले आहे. त्यामुळे सध्या विक्रेत्यांना शंभर ते पाचशे रुपयांचेच मुद्रांक विक्री करता येतात. एक हजार व त्यावरील मुद्रांक विक्रीचे अधिकार असूनही वर्षभरापासून परवानगी नाकारण्यात आली आहे. या विरोधात मुद्रांक, दस्त लेखनिक महासंघतर्फे सोमवारी एक दिवस लेखणी बंद आंदोलन पुकारण्यात आले आहे.