म. टा. वृतसेवा, हातकणंगले
खोची (ता.हातकणंगले) येथे वारणा साखर कारखान्याकडे ऊस भरुन जाणारा ट्रक अडवून मोटारसायकलवरुन आलेल्या अज्ञातांनी रॉकेल ओतून पेटवून दिला. यामध्ये ट्रकचे लाखो रुपयांचे नुकसान झाले आहे. ही घटना सायंकाळी सहा वाजण्याच्या सुमारास भेंडवडे फाट्यावर घडली. या घटनेमुळे ऊस वाहतूकदार, शेतकरी वर्गामध्ये भितीचे वातावरण पसरले आहे. याबाबत पेठवडगांव पोलिस ठाण्यात नोंद झाली आहे. दरम्यान, ऊसदर आंदोलनाच्या पार्श्वभूमीवर ही घटना घडल्याचा अंदाज घटनास्थळी व्यक्त होत होता.
चंदूर (ता. हातकणंगले) येथील कल्लेश्वर वाघमोडे यांच्या मालकीचा ट्रक वारणा साखर कारखान्याकडे ऊस वाहतुकीसाठी आहे. गुरूवारी दुपारी खोचीमधील महेश पाटील यांच्या शेतातील ऊस या ट्रकमध्ये भरण्यात आला. हा ट्रक कारखान्याकडे जाण्यासाठी नरंदे- सावर्डे रस्त्यावरील भेंडवडे फाट्यावर आला असता पाठीमागून मोटारसायकल वरुन आलेल्या पाच अज्ञातांनी ट्रकच्या आडवी गाडी मारुन थांबण्यास सांगितले. त्यावेळी दोघांनी ड्रायव्हर कल्लाप्पा कोरे याला केबिनमधून खाली उतरले व सोबत आणलेले रॉकेल ट्रकच्या केबिनमध्ये ओतले. तर अन्य दोघांनी लोखंडी हूकने टायर फोडली. त्यानंतर रॉकेलचे बोळे केबिनमध्ये फेकून आग लावण्यात आली. यानंतर त्यांनी ड्रायव्हरला नरंदे कारखान्यासमोर आणून सोडून दिले.
या घटनेची माहीती समजताच ऊस वाहतूकदारांसह, शेतकऱ्यांनी घटनास्थळी भेटी दिल्या. आग विझवण्यासाठी पेठवडगाव नगरपालिका, पार्वती इंडस्टीज मधील अग्निशामक दलाला पाचारण करण्यात आले. सुमारे तासाभराने आग आटोक्यात आली. या घटनेने शेतकरी हवालदिल झाले असून ट्रक पेटवण्यामागे कारखान्याविरोधात असलेला राग व्यक्त झाल्याची चर्चा घटनास्थळी होती.
खोची (ता.हातकणंगले) येथे वारणा साखर कारखान्याकडे ऊस भरुन जाणारा ट्रक अडवून मोटारसायकलवरुन आलेल्या अज्ञातांनी रॉकेल ओतून पेटवून दिला. यामध्ये ट्रकचे लाखो रुपयांचे नुकसान झाले आहे. ही घटना सायंकाळी सहा वाजण्याच्या सुमारास भेंडवडे फाट्यावर घडली. या घटनेमुळे ऊस वाहतूकदार, शेतकरी वर्गामध्ये भितीचे वातावरण पसरले आहे. याबाबत पेठवडगांव पोलिस ठाण्यात नोंद झाली आहे. दरम्यान, ऊसदर आंदोलनाच्या पार्श्वभूमीवर ही घटना घडल्याचा अंदाज घटनास्थळी व्यक्त होत होता.
चंदूर (ता. हातकणंगले) येथील कल्लेश्वर वाघमोडे यांच्या मालकीचा ट्रक वारणा साखर कारखान्याकडे ऊस वाहतुकीसाठी आहे. गुरूवारी दुपारी खोचीमधील महेश पाटील यांच्या शेतातील ऊस या ट्रकमध्ये भरण्यात आला. हा ट्रक कारखान्याकडे जाण्यासाठी नरंदे- सावर्डे रस्त्यावरील भेंडवडे फाट्यावर आला असता पाठीमागून मोटारसायकल वरुन आलेल्या पाच अज्ञातांनी ट्रकच्या आडवी गाडी मारुन थांबण्यास सांगितले. त्यावेळी दोघांनी ड्रायव्हर कल्लाप्पा कोरे याला केबिनमधून खाली उतरले व सोबत आणलेले रॉकेल ट्रकच्या केबिनमध्ये ओतले. तर अन्य दोघांनी लोखंडी हूकने टायर फोडली. त्यानंतर रॉकेलचे बोळे केबिनमध्ये फेकून आग लावण्यात आली. यानंतर त्यांनी ड्रायव्हरला नरंदे कारखान्यासमोर आणून सोडून दिले.
या घटनेची माहीती समजताच ऊस वाहतूकदारांसह, शेतकऱ्यांनी घटनास्थळी भेटी दिल्या. आग विझवण्यासाठी पेठवडगाव नगरपालिका, पार्वती इंडस्टीज मधील अग्निशामक दलाला पाचारण करण्यात आले. सुमारे तासाभराने आग आटोक्यात आली. या घटनेने शेतकरी हवालदिल झाले असून ट्रक पेटवण्यामागे कारखान्याविरोधात असलेला राग व्यक्त झाल्याची चर्चा घटनास्थळी होती.