म. टा. प्रतिनिधी, कोल्हापूर
विविध करांच्या वसुलीसाठी भाड्याने गाड्या घेऊन त्यातून वसुलीपेक्षा जास्त खर्च होईल. भाड्याच्या वाहनांपेक्षा अधिकाऱ्यांची वाहने वापरा, असे सांगत आयुक्त डॉ. अभिजित चौधरी यांनी वसुलीवरुन अधिकाऱ्यांची झाडाझडती घेतली. तसेच नगररचना व पाणीपुरवठा विभागाचे अपेक्षित उत्पन्न जमा न झाल्यास सहाय्यक संचालक तसेच जलअभियंता यांची वेतनवाढ रोखण्याचा खरमरीत इशाराही दिला आहे.
आर्थिक वर्ष संपत आलेले असले तरी महापालिकेच्या विविध विभागांकडून अपेक्षित उत्पन्न जमा झालेले नाही. या पार्श्वभूमीवर सोमवारी आयुक्त डॉ. अभिजित चौधरी यांनी आढावा बैठक घेतली. त्यामध्ये उत्पन्न वाढीच्यादृष्टीने आयुक्तांनी सर्व विभागप्रमुखांची झाडाझडती घेतली. शेवटचा महिना राहिलेला असताना सर्व विभागांनी वसुलीवर भर देण्याचे आदेश देण्यात आले. वसुली जोरात करण्यासाठी भाडेतत्वावर वाहने घेण्याचा प्रस्ताव यावेळी आयुक्तांसमोर मांडण्यात आला. यासाठी दररोज तीन हजार रुपयांच्या आसपास भाड्याने दहा वाहने घेण्याबाबतची चर्चा करण्यात आल्याचे समजते. या प्रकारे भाड्याने वाहने घेऊन जमा किती होणार व त्या वाहनांवर किती खर्च होणार याबाबत आयुक्तांनीच शंका उत्पन्न केली. त्यामुळे भाड्याने वाहने घेण्यापेक्षा अधिकाऱ्यांची वाहने वसुलीसाठी घ्या, असे आयुक्तांनी सांगितले. त्यानुसार काही अधिकाऱ्यांनी वाहने देण्याची तयारीही दर्शवली. अधिकाऱ्यांचे वाहन वसुलीला वापरल्यानंतर नागरिकांवर एक दबावही पडतो, असा त्यामागील तर्क आहे.
नगररचना व पाणीपुरवठा विभागाकडून मोठा महसूल अपेक्षित आहे. पण या दोन्ही विभागाकडून त्यानुसार काम झाले नसल्याचे बैठकीत दिसून आले. त्यामुळे महसुलाची उद्दिष्टपुर्ती न झाल्यास नगररचना विभागाचे प्रमुख सहाय्यक संचालक व पाणीपुरवठ्याचे प्रमुख जलअभियंता यांची वेतनवाढ रोखण्याचा इशारा आयुक्तांनी दिला आहे. तावडे हॉटेल परिसरातील महापालिकेच्या जागेतील मिळकतींचा सर्व्हे करण्यात येत आहे. त्याचाही आढावा घेताना आयुक्तांनी विभागीय कार्यालय व नगररचना विभागाला झापले. दोन्ही विभागांकडून केल्या जात असलेल्या सर्व्हेमध्ये तफावत आढळत असल्याची बाब समोर आली होती. त्यानुसार दोन्ही विभागांकडून एकच अहवाल आला पाहिजे अशा सूचना देण्यात आल्या आहेत.
विविध करांच्या वसुलीसाठी भाड्याने गाड्या घेऊन त्यातून वसुलीपेक्षा जास्त खर्च होईल. भाड्याच्या वाहनांपेक्षा अधिकाऱ्यांची वाहने वापरा, असे सांगत आयुक्त डॉ. अभिजित चौधरी यांनी वसुलीवरुन अधिकाऱ्यांची झाडाझडती घेतली. तसेच नगररचना व पाणीपुरवठा विभागाचे अपेक्षित उत्पन्न जमा न झाल्यास सहाय्यक संचालक तसेच जलअभियंता यांची वेतनवाढ रोखण्याचा खरमरीत इशाराही दिला आहे.
आर्थिक वर्ष संपत आलेले असले तरी महापालिकेच्या विविध विभागांकडून अपेक्षित उत्पन्न जमा झालेले नाही. या पार्श्वभूमीवर सोमवारी आयुक्त डॉ. अभिजित चौधरी यांनी आढावा बैठक घेतली. त्यामध्ये उत्पन्न वाढीच्यादृष्टीने आयुक्तांनी सर्व विभागप्रमुखांची झाडाझडती घेतली. शेवटचा महिना राहिलेला असताना सर्व विभागांनी वसुलीवर भर देण्याचे आदेश देण्यात आले. वसुली जोरात करण्यासाठी भाडेतत्वावर वाहने घेण्याचा प्रस्ताव यावेळी आयुक्तांसमोर मांडण्यात आला. यासाठी दररोज तीन हजार रुपयांच्या आसपास भाड्याने दहा वाहने घेण्याबाबतची चर्चा करण्यात आल्याचे समजते. या प्रकारे भाड्याने वाहने घेऊन जमा किती होणार व त्या वाहनांवर किती खर्च होणार याबाबत आयुक्तांनीच शंका उत्पन्न केली. त्यामुळे भाड्याने वाहने घेण्यापेक्षा अधिकाऱ्यांची वाहने वसुलीसाठी घ्या, असे आयुक्तांनी सांगितले. त्यानुसार काही अधिकाऱ्यांनी वाहने देण्याची तयारीही दर्शवली. अधिकाऱ्यांचे वाहन वसुलीला वापरल्यानंतर नागरिकांवर एक दबावही पडतो, असा त्यामागील तर्क आहे.
नगररचना व पाणीपुरवठा विभागाकडून मोठा महसूल अपेक्षित आहे. पण या दोन्ही विभागाकडून त्यानुसार काम झाले नसल्याचे बैठकीत दिसून आले. त्यामुळे महसुलाची उद्दिष्टपुर्ती न झाल्यास नगररचना विभागाचे प्रमुख सहाय्यक संचालक व पाणीपुरवठ्याचे प्रमुख जलअभियंता यांची वेतनवाढ रोखण्याचा इशारा आयुक्तांनी दिला आहे. तावडे हॉटेल परिसरातील महापालिकेच्या जागेतील मिळकतींचा सर्व्हे करण्यात येत आहे. त्याचाही आढावा घेताना आयुक्तांनी विभागीय कार्यालय व नगररचना विभागाला झापले. दोन्ही विभागांकडून केल्या जात असलेल्या सर्व्हेमध्ये तफावत आढळत असल्याची बाब समोर आली होती. त्यानुसार दोन्ही विभागांकडून एकच अहवाल आला पाहिजे अशा सूचना देण्यात आल्या आहेत.