म. टा. प्रतिनिधी, कोल्हापूर
गेल्या दोन वर्षांच्या तुलनेत यावर्षी आठ महिन्यांच्या कालावधीत घरफोडीच्या प्रमाणात वाढ झाली आहे. दिवसरात्र टेहाळणी करून बंद घरे फोडण्याचे प्रकार वाढले आहेत. सप्टेंबर महिन्यात सरासरी दहा ते पंधरा घरफोडीचे प्रकार घडले असून, अद्याप चोरटे पसार आहेत. पोलिसांच्या रात्रीच्या गस्तीचा धाक आणि खबऱ्यांचे नेटवर्क कमी झाल्याने जिल्ह्यात चोरट्यांचा सुळसुळाट वाढला आहे. घरफोडीच्या गुन्ह्याची उकल पोलिसांना करता आलेला नाही.
सप्टेंबर महिन्यात चोरट्यांनी बंद घरे फोडून चोरीचा सपाटा लावला आहे. फुलेवाडी रिंग रोडवरील गजानन कॉलनी, आर. के. नगरात चार बंद बंगले फोडण्याचा प्रयत्न केला. या बंगल्यातील साहित्य विस्कटून टाकले. कणेरी (ता. करवीर) येथे एका प्राध्यापकाचा बंद बंगला फोडून पाच तोळ्यांचे दागिने आणि साडेतीन लाखांची रोकड लंपास केली. क्रांतिसिंह नाना पाटीलनगर फुलेवाडी रिंग रोडवर चार बंगले चोरट्यांनी फोडले. आठ महिन्यांत केवळ घरफोडीच्या २३० गुन्हे घडले आहेत. यापैकी केवळ ५० गुन्ह्यांची उकल झाली आहे. गेल्या आठ महिन्यांत चोरट्यांनी बंद घरांना लक्ष्य करून लाखो रुपयांची रोकड आणि किमती मुद्देमाल लंपास केला. नेहमीच सुट्ट्यांमध्ये घरफोड्यांचे प्रमाण वाढते. मात्र, यंदा सप्टेंबर महिना संपत आला तरी घरफोड्यांचे सत्र सुरूच आहे. गेल्या आठवड्यात दोन ठिकाणी चोरट्यांनी धाडसी घरफोड्या करून पोलिसांना आव्हान दिले आहे. आठ महिन्यांत जिल्ह्यात १६ ठिकाणी दरोडे पडले. जबरी चोरीचे ७९ गुन्हे घडले. १८९ घरफोड्या झाल्या, तर चेन स्नॅचिंगच्या ८५ घटनांची नोंद पोलिस ठाण्यांमध्ये झाली आहे. एकूण ३६९ गुन्ह्यांपैकी केवळ १६३ गुन्ह्यांचा शोध लावण्यात पोलिसांना यश आले आहे. दरोड्याचे गुन्हे वगळता उर्वरित सर्व गुन्ह्यांनी पोलिसांसमोर आव्हान निर्माण केले आहे.
दरम्यान, चोरटे सापडतील आणि चोरीस गेलेला ऐवज मिळेल या आशेपोटी काही नागरिकांचे पोलिस ठाण्यात हेलपाटे सुरू आहेत. घरफोडीत काही स्थानिक फाळकूटदादा, सराईत टोळी आणि आंतरराज्य टोळीचाही घरफोडीत सहभाग आहे. अनेक ठिकाणी धाडसी चोरी करून चोरटे पसार झाले आहेत. मात्र, पोलिसांना अद्याप ते सापडलेले नाहीत. रुक्मिणीनगर येथील हॉटेल व्यावसायिकाचा बंद फ्लॅट फोडून चोरट्याने सुमारे १५ लाखांचे दागिने आणि रोकड लंपास केली होती. अद्याप या प्रकरणातील चोरटे पसार आहेत.
घरफोडी
२०१७ : दाखल ३२७, उघड १४२
२०१८ : दाखल ३१४, उघड ९९
२०१९ : ऑगस्ट अखेर २३० : उघड ५०
०००
कोल्हापूर परिक्षेत्र ( घरफोडी)
२०१७ : १३५५
२०१८ : १४१८
२०१९ (ऑगस्ट अखेर ) ८००
०००
कोट...
सिंगल फोटो घ्यावा...
चोरीचे गुन्हे रोखण्यासाठी आणि गुन्ह्याचा तपास गतीने करण्याचे आदेश सर्व अधिकाऱ्यांना दिले आहे. दर महिन्याच्या गुन्हे आढावा बैठकीत त्याची चर्चा आणि आदेश दिले जातात. रेकॉर्डवरील चोरट्यांवर लक्ष ठेवले जात आहे. लवकरच जास्तीत जास्त गुन्ह्यांची उकल होईल.
डॉ. अभिनव देशमुख, पोलिस अधीक्षक
गेल्या दोन वर्षांच्या तुलनेत यावर्षी आठ महिन्यांच्या कालावधीत घरफोडीच्या प्रमाणात वाढ झाली आहे. दिवसरात्र टेहाळणी करून बंद घरे फोडण्याचे प्रकार वाढले आहेत. सप्टेंबर महिन्यात सरासरी दहा ते पंधरा घरफोडीचे प्रकार घडले असून, अद्याप चोरटे पसार आहेत. पोलिसांच्या रात्रीच्या गस्तीचा धाक आणि खबऱ्यांचे नेटवर्क कमी झाल्याने जिल्ह्यात चोरट्यांचा सुळसुळाट वाढला आहे. घरफोडीच्या गुन्ह्याची उकल पोलिसांना करता आलेला नाही.
सप्टेंबर महिन्यात चोरट्यांनी बंद घरे फोडून चोरीचा सपाटा लावला आहे. फुलेवाडी रिंग रोडवरील गजानन कॉलनी, आर. के. नगरात चार बंद बंगले फोडण्याचा प्रयत्न केला. या बंगल्यातील साहित्य विस्कटून टाकले. कणेरी (ता. करवीर) येथे एका प्राध्यापकाचा बंद बंगला फोडून पाच तोळ्यांचे दागिने आणि साडेतीन लाखांची रोकड लंपास केली. क्रांतिसिंह नाना पाटीलनगर फुलेवाडी रिंग रोडवर चार बंगले चोरट्यांनी फोडले. आठ महिन्यांत केवळ घरफोडीच्या २३० गुन्हे घडले आहेत. यापैकी केवळ ५० गुन्ह्यांची उकल झाली आहे. गेल्या आठ महिन्यांत चोरट्यांनी बंद घरांना लक्ष्य करून लाखो रुपयांची रोकड आणि किमती मुद्देमाल लंपास केला. नेहमीच सुट्ट्यांमध्ये घरफोड्यांचे प्रमाण वाढते. मात्र, यंदा सप्टेंबर महिना संपत आला तरी घरफोड्यांचे सत्र सुरूच आहे. गेल्या आठवड्यात दोन ठिकाणी चोरट्यांनी धाडसी घरफोड्या करून पोलिसांना आव्हान दिले आहे. आठ महिन्यांत जिल्ह्यात १६ ठिकाणी दरोडे पडले. जबरी चोरीचे ७९ गुन्हे घडले. १८९ घरफोड्या झाल्या, तर चेन स्नॅचिंगच्या ८५ घटनांची नोंद पोलिस ठाण्यांमध्ये झाली आहे. एकूण ३६९ गुन्ह्यांपैकी केवळ १६३ गुन्ह्यांचा शोध लावण्यात पोलिसांना यश आले आहे. दरोड्याचे गुन्हे वगळता उर्वरित सर्व गुन्ह्यांनी पोलिसांसमोर आव्हान निर्माण केले आहे.
दरम्यान, चोरटे सापडतील आणि चोरीस गेलेला ऐवज मिळेल या आशेपोटी काही नागरिकांचे पोलिस ठाण्यात हेलपाटे सुरू आहेत. घरफोडीत काही स्थानिक फाळकूटदादा, सराईत टोळी आणि आंतरराज्य टोळीचाही घरफोडीत सहभाग आहे. अनेक ठिकाणी धाडसी चोरी करून चोरटे पसार झाले आहेत. मात्र, पोलिसांना अद्याप ते सापडलेले नाहीत. रुक्मिणीनगर येथील हॉटेल व्यावसायिकाचा बंद फ्लॅट फोडून चोरट्याने सुमारे १५ लाखांचे दागिने आणि रोकड लंपास केली होती. अद्याप या प्रकरणातील चोरटे पसार आहेत.
घरफोडी
२०१७ : दाखल ३२७, उघड १४२
२०१८ : दाखल ३१४, उघड ९९
२०१९ : ऑगस्ट अखेर २३० : उघड ५०
०००
कोल्हापूर परिक्षेत्र ( घरफोडी)
२०१७ : १३५५
२०१८ : १४१८
२०१९ (ऑगस्ट अखेर ) ८००
०००
कोट...
सिंगल फोटो घ्यावा...
चोरीचे गुन्हे रोखण्यासाठी आणि गुन्ह्याचा तपास गतीने करण्याचे आदेश सर्व अधिकाऱ्यांना दिले आहे. दर महिन्याच्या गुन्हे आढावा बैठकीत त्याची चर्चा आणि आदेश दिले जातात. रेकॉर्डवरील चोरट्यांवर लक्ष ठेवले जात आहे. लवकरच जास्तीत जास्त गुन्ह्यांची उकल होईल.
डॉ. अभिनव देशमुख, पोलिस अधीक्षक