कोल्हापूर टाइम्स टीम
श्री प्रिन्स शिवाजी मराठा बोर्डिंग हाउसच्या शतकमहोत्सवी वर्षात संस्थेच्या कॉलेज ऑफ आर्किटेक्चरच्या विद्यार्थ्यांनी राष्ट्रीय यश संपादन केले. फेस्टिव्हल ऑफ आर्किटेक्चर आणि इंटेरियर डिझाइन या संघटनेच्यावतीने घेण्यात आलेल्या 'एक्स्प्रेशन' या स्पर्धेत राज्यस्तरीय डायमंड व प्लॅटिनम या दोन्ही ट्रॉफी विद्यार्थ्यांनी जिंकल्या. शंतनू पाटील, प्रज्ञासूर्या कारंजकर, प्रणव कुलकर्णी, रोहन कुलकर्णी, विशाखा किल्लेदार, ईश्वरी शिंदे, यशराज खराडे, ओंकार कदम, श्रुतिका माळी या विद्यार्थ्यांनी सहभाग घेतला होता. सलग चौथ्या वर्षी कॉलेजने हे यश मिळवले आहे. मुंबईत २१ ते ३० नोव्हेंबर या कालावधीत दोन स्तरावर ही स्पर्धा झाली. पहिल्या टप्प्यात डिझाइन मागवण्यात आल्या होत्या. यातून ५० डिझाइन्समधून निवडण्यात आलेल्या ८ डिझाइन्समध्ये कॉलेजच्या विद्यार्थ्यांच्या डिझाइन्सची निवड झाली. यासाठी विद्यार्थ्यांनी ३० हजार रुपयांचे आर्थिक सहाय्य दिले जाते.