कोल्हापूर : येथील रमणमळा परिसरात वन विभागाच्या कार्यालयासमोर गुरुवारी तिसऱ्या दिवशीही चांदोली अभयारण्यग्रस्तांचे ठिय्या आंदोलन सुरूच राहिले. आंदोलनस्थळी कोणत्याही मूलभूत सुविधा नसल्याने वृद्ध महिला, आंदोलकांची हेळसांड होत आहे. दिवसभर मागण्यासंबंधी चर्चा करण्यासाठी एकाही वन अधिकाऱ्यांनी आंदोलनस्थळी भेट दिली नाही. बाधित अभयारण्यग्रस्तांसाठी सरकारकडून ४ कोटी २२ लाख ३० हजार वन विभागाकडे वर्ग झाले आहेत. मात्र, वनप्रशासनाच्या गलथान कारभारामुळे संबंधितांच्या खात्यावर पैसे जमा झाले नाहीत. यामुळे श्रमिक मुक्ती दलाच्या नेतृत्वाखाली वन कार्यालयासमोर तीन दिवसांपासून आंदोलन केले जात आहे. आंदोलनात मारुती पाटील, डी. के. बोडके, नजीर चौगले, पांडुरंग पोवार आदी सहभागी झाले.
तिसऱ्या दिवशीही ठिय्याच
येथील रमणमळा परिसरात वन विभागाच्या कार्यालयासमोर गुरुवारी तिसऱ्या दिवशीही चांदोली अभयारण्यग्रस्तांचे ठिय्या आंदोलन सुरूच राहिले...
Maharashtra Times 30 Nov 2018, 4:00 am