'भाजपची कार्यप्रणाली आणि कार्यकर्त्यांची सैद्धांतिक विचारसरणी समाजातील तळागाळापर्यंत विकास पोहोचवणे अशी आहे. देशातील भाजपचे सर्व लोकप्रतिनिधी विकासात्मक कार्यप्रणालीनुसार काम करत आहे. ही कार्यप्रणाली महापालिकेच्या माध्यमातून राबवण्यासाठी सत्ता स्थापनेसाठी आवाहन केले. हे आवाहन म्हणजे लोकशाहीची परंपरा आहे. महापौर निवडीमध्ये भाजपने कधीही अन्य मार्गांचा अवलंब केलेला नाही. याउलट शहराच्या विकासासाठी केंद्र व राज्य सरकारच्या माध्यमातून पालकमंत्री चंद्रकांत पाटील यांनी निधी खेचून आणला आहे. मात्र त्यांच्यावर खोटे आणि घोडेबाजाराचा आरोप केला जात आहे. हा प्रकार चुकीचा आहे.
महेश जाधव,अध्यक्ष,पश्चिम महाराष्ट्र देवस्थान समिती