म. टा. प्रतिनिधी,कोल्हापूर
शिवाजी विद्यापीठ रस्त्यांवर विक्रीकर निरीक्षकाचा पाठलाग करून लुटल्याप्रकरणी राजारामपुरी पोलिसांनी सीसीटीव्ही फुटेज तपासून तिघा चोरट्यांचा शिताफीने अटक केली. कृषी महाविद्यालयाच्या आवारात असलेल्या सीसीटीव्हीमध्ये काळ्या रंगाचा टप असलेली कार दिसत होती. या कारचा शोध घेऊन पोलिसांनी अक्षय भरत फाळके (वय २४,रा. उजळाईवाडी, ता. करवीर), विनोद मनोहर सोरप (वय २९ रा. उजळाईवाडी), किर्ती सुभाष वाईंगडे (२१, रा. शाहूनगर, राजारामपुरी) या तिघांना अटक केली. अन्य तिघा संशयितांचा पोलिस शोध घेत आहेत.
विक्रीकर निरीक्षक नागेश रामचंद्र भोपळे (वय २८, रा. महालक्ष्मी संकुल,टेंबलाईवाडी) हे शुक्रवारी रात्री शिवाजी विद्यापीठातील ग्रंथालयातून अभ्यास करून दुचाकीवरुन घरी जात होते. नेचर पार्कजवळ त्यांच्या दुचाकीसमोर संशयितांनी कार आडवी घातली. यावेळी भोपळे यांनी कारचालकाला इंडिकेटर लावण्याची सूचना केली. या सूचनेमुळे चिडलेल्या संशयितांनी मोटारसायकलचा पाठलाग करण्यास सुरुवात केली. शिवाजी विद्यापीठ रोडवरुन भोपळे यांनी शासकीय तंत्रनिकेतन येथून दुचाकी कृषी महाविद्यालयाकडे वळविली. त्यांनी भीतीने दुचाकी कृषी महाविद्यालयाच्या फाटकातून आत घातली पण त्यांची दुचाकी घसरली. पाठलाग करणाऱ्या संशयितांनी मोटारीतून उतरून भोपळे यांना लोखंडी रॉड व दगडांने मारहाण केली. भोपळे यांची अंगठी, चेन, मोबाइल आणि रोख साडेपाच हजार रुपये असा ८१ हजार, ५०० रुपयांचा ऐवज जबरदस्तीने काढून घेतला. भोपळे यांनी घटनेची माहिती नातेवाईकांना सांगितल्यावर त्यांना तातडीने खासगी हॉस्पिटलमध्ये उपचारास दाखल केले. त्यानंतर राजारामपुरी पोलिस ठाण्यात गुन्हा दाखल केला.
पोलिसांनी गुन्हाचा तपास करताना कृषी महाविद्यालयाचे सीसीटीव्ही तपासले. सीसीटीव्हीमध्ये कारचा टप काळ्या रंगाचा लक्षात आले. ही कार रेकॉर्डवरील गुन्हेगारांची असल्याचे पोलिसांच्या लक्षात आले. त्यानंतर पोलिसांनी कारचा शोध घेतला असता शुक्रवारी रात्री मोटारीचा वापर कुणी केला याचा तपास केल्यावर तिघांना अटक केली. मोटारीमध्ये सहाजण दारु पिवून बसले होते. यापुर्वी घडलेल्या लुटीच्या घटनेत संशयितांचा सहभाग आहे का याचा पोलिस शोध घेत आहेत.
शिवाजी विद्यापीठ रस्त्यांवर विक्रीकर निरीक्षकाचा पाठलाग करून लुटल्याप्रकरणी राजारामपुरी पोलिसांनी सीसीटीव्ही फुटेज तपासून तिघा चोरट्यांचा शिताफीने अटक केली. कृषी महाविद्यालयाच्या आवारात असलेल्या सीसीटीव्हीमध्ये काळ्या रंगाचा टप असलेली कार दिसत होती. या कारचा शोध घेऊन पोलिसांनी अक्षय भरत फाळके (वय २४,रा. उजळाईवाडी, ता. करवीर), विनोद मनोहर सोरप (वय २९ रा. उजळाईवाडी), किर्ती सुभाष वाईंगडे (२१, रा. शाहूनगर, राजारामपुरी) या तिघांना अटक केली. अन्य तिघा संशयितांचा पोलिस शोध घेत आहेत.
विक्रीकर निरीक्षक नागेश रामचंद्र भोपळे (वय २८, रा. महालक्ष्मी संकुल,टेंबलाईवाडी) हे शुक्रवारी रात्री शिवाजी विद्यापीठातील ग्रंथालयातून अभ्यास करून दुचाकीवरुन घरी जात होते. नेचर पार्कजवळ त्यांच्या दुचाकीसमोर संशयितांनी कार आडवी घातली. यावेळी भोपळे यांनी कारचालकाला इंडिकेटर लावण्याची सूचना केली. या सूचनेमुळे चिडलेल्या संशयितांनी मोटारसायकलचा पाठलाग करण्यास सुरुवात केली. शिवाजी विद्यापीठ रोडवरुन भोपळे यांनी शासकीय तंत्रनिकेतन येथून दुचाकी कृषी महाविद्यालयाकडे वळविली. त्यांनी भीतीने दुचाकी कृषी महाविद्यालयाच्या फाटकातून आत घातली पण त्यांची दुचाकी घसरली. पाठलाग करणाऱ्या संशयितांनी मोटारीतून उतरून भोपळे यांना लोखंडी रॉड व दगडांने मारहाण केली. भोपळे यांची अंगठी, चेन, मोबाइल आणि रोख साडेपाच हजार रुपये असा ८१ हजार, ५०० रुपयांचा ऐवज जबरदस्तीने काढून घेतला. भोपळे यांनी घटनेची माहिती नातेवाईकांना सांगितल्यावर त्यांना तातडीने खासगी हॉस्पिटलमध्ये उपचारास दाखल केले. त्यानंतर राजारामपुरी पोलिस ठाण्यात गुन्हा दाखल केला.
पोलिसांनी गुन्हाचा तपास करताना कृषी महाविद्यालयाचे सीसीटीव्ही तपासले. सीसीटीव्हीमध्ये कारचा टप काळ्या रंगाचा लक्षात आले. ही कार रेकॉर्डवरील गुन्हेगारांची असल्याचे पोलिसांच्या लक्षात आले. त्यानंतर पोलिसांनी कारचा शोध घेतला असता शुक्रवारी रात्री मोटारीचा वापर कुणी केला याचा तपास केल्यावर तिघांना अटक केली. मोटारीमध्ये सहाजण दारु पिवून बसले होते. यापुर्वी घडलेल्या लुटीच्या घटनेत संशयितांचा सहभाग आहे का याचा पोलिस शोध घेत आहेत.