कोल्हापूर: येथील हभप हरी रामा पाटील व देवकाबाई हरी पाटील यांच्या स्मरणार्थ रविवारी (ता.१६) एक दिवसीय ग्रंथराज व श्री ज्ञानेश्वरी पारायण अध्याय अठरावा तसेच अखंड हरिनाम सोहळ्याचे आयोजन करण्यात आले आहे. साने गुरूजी वसाहत, अपराध कॉलनी येथील विठाई बंगला येथे दिवसभर हा कार्यक्रम होणार आहे. त्यामध्ये ह्रषिकेश वासकर यांचे प्रवचन व गोपाळआण्णा तुकाराम वासकर यांचे कीर्तन होणार आहे. यामध्ये सकाळी आठ ते बारा ज्ञानेश्वरी वाचन, दुपारी तीन ते साडे चार गाथा भजन, सायंकाळी पाच वाजता प्रवचन, सायंकाळी सात वाजता किर्तन व रात्री नऊ वाजता महाप्रसादाचे आयोजन करण्यात आले आहे. भक्तांनी याचा लाभ घ्यावा, असे आवाहन पाटील डेकोरेटर्सचे तुकाराम हरी पाटील यांनी केले आहे. दरम्यान, तुकाराम पाटील यांनी त्यांच्या मंगसुळी या मूळ गावी विठ्ठल रूक्मीणीचे मंदिर बांधले असून तेथे सात वर्षापासून अखंड वीणासेवा सुरू आहे. तेथेही दरवर्षी विविध कार्यक्रमांचे आयोजन केले जाते.
आज कीर्तन सोहळा
येथील हभप हरी रामा पाटील व देवकाबाई हरी पाटील यांच्या स्मरणार्थ रविवारी (ता...
Maharashtra Times 16 Dec 2018, 4:00 am