कोल्हापूर : दक्षिण भारत जैन सभा पदवीधर संघटनेच्या २९ व्या वर्धापन दिनानिमित्त प्रशस्तीपत्र वितरण समारंभ सोहळा मंगळवारी (ता. २) दुपारी चार वाजता होणार आहे. जैन सभेचे अध्यक्ष रावसाहेब पाटील यांच्या अध्यक्षतेखाली आळते-नरंदे (ता. हातकणंगले) येथे वितरण समारंभ होणार आहे, अशी माहिती जैन सभेचे सेक्रेटरी सुकुमार बेळके यांनी दिली. बेळके म्हणाले, 'संस्थेच्या या दैदिप्यमान कामगिरीची दखल घेवून २९ वर्धापनदिन व प्रशस्तीपत्र वितरण समारंभाचे आयोजन केले आहे. समारंभात प. पू. श्री १०८ चिन्मयसागर महाराज व सुमनलता मोदी यांच्या प्रमुख उपस्थितीत कार्यक्रम होणार आहे. यावेळी प्रा. डी. ए. पाटील, पुष्पदंत पार्श्वनाथ दोड्डणावर, श्रीकांत कबाडे, प्रा. डॉ. महावीर शास्त्री यांचा गौरव करण्यात येणार आहे.' पत्रकार परिषदेस सुरेश रोटे, प्रा. ए. ए. मुडलगी आदी उपस्थित होते.
जैन सभा पदवीधर संघटनेचा आज वर्धापनदिन
दक्षिण भारत जैन सभा पदवीधर संघटनेच्या २९ व्या वर्धापन दिनानिमित्त प्रशस्तीपत्र वितरण समारंभ सोहळा मंगळवारी (ता २) दुपारी चार वाजता होणार आहे...
Maharashtra Times 2 Oct 2018, 4:00 am