मिरज :
लिंगनूर (ता. मिरज) येथील लक्ष्मीबाई मारुती नाईक (वय ३०) या महिलेने तिच्या पाच महिने आणि चार वर्षे वयाच्या दोन मुलांसह आत्महत्या केल्याची घटना मंगळवारी घडली. गावातील बसरकुडी परिसरातील महिला आणि तिच्या दोघा मुलांचे मृतदेह मंगळवारी दुपारी विहिरीत आढळून आले. या बाबत माहिती मिळाल्यानंतर मिरज ग्रामीण पोलिसांनी घटनास्थळी धाव घेतली. या प्रकरणी ग्रामीण पोलिस ठाण्यात नोंद झाली आहे.
या बाबत पोलिसांकडून मिळालेली अधिक माहिती अशी, मयत लक्ष्मीबाई नाईक या कुटुंबासह लिंगनूर येथील बसरकुडी परिसरात राहण्यास होत्या. पती मारुती नाईक ऊस तोडणीचे मजुरीचे काम करतात. मंगळवारी दुपारी येथील एका विहिरीत लक्ष्मीबाई नाईक व त्यांची मुले सोहम आणि लक्ष्मण यांचे मृतदेह आढळून आले. ग्रामस्थांनी या बाबत पोलिसांना माहिती दिली. पोलिसांनी घटनास्थळी पंचनामा करून मृतदेह ताब्यात घेतले. मृत लक्ष्मीबाई नाईक यांचे निपाणी माहेर आहे. माहेरच्या नातेवाईकांना घटनेबाबत कळाल्यानंतर ते मिरज येथे येण्यासाठी निघाल्याची माहिती मिळाली. या प्रकरणी ग्रामीण पोलिसात नोंद झाली आहे. आत्महत्येचे कारण स्पष्ट झाले नव्हते. दोन लहान मुलांसह महिलेने आत्महत्या केल्याने परिसरात हळहळ व्यक्त करण्यात येत आहे.
लिंगनूर (ता. मिरज) येथील लक्ष्मीबाई मारुती नाईक (वय ३०) या महिलेने तिच्या पाच महिने आणि चार वर्षे वयाच्या दोन मुलांसह आत्महत्या केल्याची घटना मंगळवारी घडली. गावातील बसरकुडी परिसरातील महिला आणि तिच्या दोघा मुलांचे मृतदेह मंगळवारी दुपारी विहिरीत आढळून आले. या बाबत माहिती मिळाल्यानंतर मिरज ग्रामीण पोलिसांनी घटनास्थळी धाव घेतली. या प्रकरणी ग्रामीण पोलिस ठाण्यात नोंद झाली आहे.
या बाबत पोलिसांकडून मिळालेली अधिक माहिती अशी, मयत लक्ष्मीबाई नाईक या कुटुंबासह लिंगनूर येथील बसरकुडी परिसरात राहण्यास होत्या. पती मारुती नाईक ऊस तोडणीचे मजुरीचे काम करतात. मंगळवारी दुपारी येथील एका विहिरीत लक्ष्मीबाई नाईक व त्यांची मुले सोहम आणि लक्ष्मण यांचे मृतदेह आढळून आले. ग्रामस्थांनी या बाबत पोलिसांना माहिती दिली. पोलिसांनी घटनास्थळी पंचनामा करून मृतदेह ताब्यात घेतले. मृत लक्ष्मीबाई नाईक यांचे निपाणी माहेर आहे. माहेरच्या नातेवाईकांना घटनेबाबत कळाल्यानंतर ते मिरज येथे येण्यासाठी निघाल्याची माहिती मिळाली. या प्रकरणी ग्रामीण पोलिसात नोंद झाली आहे. आत्महत्येचे कारण स्पष्ट झाले नव्हते. दोन लहान मुलांसह महिलेने आत्महत्या केल्याने परिसरात हळहळ व्यक्त करण्यात येत आहे.