कोल्हापूर : भारतीय सैन्यदलाने उरी येथे केलेल्या सर्जिकल स्ट्राइकवर आधारीत देखावा मंगळवार पेठेतील साठमारी परिसरात राहणाऱ्या किरण अतिग्रे यांनी साकारला आहे. घरगुती गणेशमूर्तीसोबत त्यांनी हा देखावा केला असून यातून त्यांनी देशभक्तीचा संदेश दिला आहे.
अतिग्रे यांना कलेची आवड असून दरवर्षी ते सामाजिक विषयावर आधारीत देखाव्याची मांडणी करतात. यंदा त्यांनी चार फूट जागेत हा देखावा तयार केला आहे. पाकिस्तान नियंत्रण रेषा ओलांडून भारतीय सैनिकांनी पाकिस्तानी अतिरेक्यांचा तळ उध्वस्त केला असा देखावा मांडला आहे. यासाठी माती, कागदी पुठ्ठे, जुन्या खेळण्यांचे पार्ट, जुने कापड यांचा वापर केला आहे. सैनिकाच्या वेशभूषेत असलेला शाडूचा गणपती हे या देखाव्याचे वैशिष्ट्य आहे. या देखाव्यासाठी अतिग्रे यांनी गेल्या दीड महिन्यांपासून तयारी केली होती.
अतिग्रे यांना कलेची आवड असून दरवर्षी ते सामाजिक विषयावर आधारीत देखाव्याची मांडणी करतात. यंदा त्यांनी चार फूट जागेत हा देखावा तयार केला आहे. पाकिस्तान नियंत्रण रेषा ओलांडून भारतीय सैनिकांनी पाकिस्तानी अतिरेक्यांचा तळ उध्वस्त केला असा देखावा मांडला आहे. यासाठी माती, कागदी पुठ्ठे, जुन्या खेळण्यांचे पार्ट, जुने कापड यांचा वापर केला आहे. सैनिकाच्या वेशभूषेत असलेला शाडूचा गणपती हे या देखाव्याचे वैशिष्ट्य आहे. या देखाव्यासाठी अतिग्रे यांनी गेल्या दीड महिन्यांपासून तयारी केली होती.