अ‍ॅपशहर

ज्येष्ठ रंगकर्मी विजय शंकर पोवार यांचे निधन

'खजिन्याची विहीर' या प्रसिद्ध नाटकाचे सादरकर्ते, ज्येष्ठ रंगकर्मी आणि कवी विजय शंकर पोवार यांचे रविवारी सायंकाळी गडहिंग्लज येथे निधन झाले. ते ५५ वर्षांचे होते. त्यांच्या पश्चात पत्नी, मुलगा, मुलगी असा परिवार आहे.

Maharashtra Times 23 Jan 2017, 3:11 pm
मटा ऑनलाइन वृत्त। कोल्हापूर
महाराष्ट्र टाइम्स.कॉम vijay shankar powar passes away in gadhinglaj
ज्येष्ठ रंगकर्मी विजय शंकर पोवार यांचे निधन


'खजिन्याची विहीर' या प्रसिद्ध नाटकाचे सादरकर्ते, ज्येष्ठ रंगकर्मी आणि कवी विजय शंकर पोवार यांचे रविवारी सायंकाळी गडहिंग्लज येथे निधन झाले. ते ५५ वर्षांचे होते. त्यांच्या पश्चात पत्नी, मुलगा, मुलगी असा परिवार आहे.

पोवार गेल्या दोन महिन्यांपासून मूतखड्याच्या त्रासाने त्रस्त होते. ते गडहिंग्लजमधील एका खासगी हॉस्पिटलमध्ये उपचार घेत होते. काही दिवसांपूर्वी त्यांच्यावर शस्त्रक्रिया देखील करावी लागली होती. दरम्यानच्या काळात जंतूसंसर्ग झाल्याने त्यांच्यावर दुसरी शस्त्रक्रिया करण्याचा निर्णय डॉक्टरांनी घेतला होता. मात्र या शस्त्रक्रियेपूर्वीच त्यांचे निधन झाले.

पोवार यांनी अनेक नाटकांचं यशस्वीपणे दिग्दर्शन केलं. त्यानी सादर केलेले 'खजिन्याची विहीर' हे नाटक विशेष गाजले. याबरोबर, पोवार यांनी भूमिका केलेला 'चौकट' हा लघुपट गेल्यावर्षी गोव्यात पार पडलेल्या आंतरराष्ट्रीय चित्रपट महोत्सवात ( इफ्फी) चांगलाच गाजला. त्यांनी प्रायोगिक रंगभूमीवर सातत्याने नवनवे प्रयोग केले. पारंपारिक रंगभूमीला छेद देत पोवार यांनी नव्या रंगभूमीवर आपली कारकीर्द घडवण्यासाठी नवी पिढी तयार केली. त्यांनी सादर केलेल्या कलाकृतींना अनेक पुरस्कार प्राप्त झाले आहेत.

याबरोबर विजय शंकर पोवार हे प्रसिद्ध कवी देखील होते. त्यांनी अनेक दर्जेदार कविता लिहिल्या.

पोवार यांनी कोल्हापुरात तंबाखू संघामध्ये काही काळ नोकरी केली. नोकरीत त्यांचे मन फार काळ रमले नाहीत. अखेर त्यांनी नोकरी साडून कलेसाठी स्वत:ला वाहून घेतलं.

महत्वाचे लेख

Marathi News App: तुम्हालाही तुमच्या अवतीभवती होत असलेल्या बदलांमध्ये सहभागी व्हायचं आहे? सिटिझन रिपोर्टर अॅप डाउनलोड करा आणि रिपोर्ट्स पाठवा.
ताज्या बातम्यांसह अपडेट राहण्यासाठी लाइक करा Maharashtra Times फेसबुकपेज