कोल्हापूर :
'सनातन संस्थेचा पूर्णवेळ साधक डॉ. वीरेंद्रसिंह तावडे हाच कॉम्रेड गोविंद पानसरे यांच्या हत्येमागील मास्टरमाइंड आहे. कोल्हापुरात तो सनातन संस्थेचा संघटक म्हणून कार्यरत होता. फरार आरोपी विनय पवार आणि सारंग आकोलकर या दोघांशी तावडेचा संबंध होता. याशिवाय पानसरेंची हत्या झाली त्यादिवशी तावडे आणि समीर गायकवाड या दोघांमध्ये मोबाइलवरून संभाषणही झाले आहे. त्याच्याविरोधात भक्कम पुरावे असल्याने कोर्टाने जामीन मंजूर करू नये,' असा युक्तिवाद विशेष सरकारी वकील हर्षद निंबाळकर यांनी शनिवारी जिल्हा व सत्र न्यायालयात केला. तावडेच्या जामिनावर ३० जानेवारीला निर्णय होणार आहे.
कॉम्रेड गोविंद पानसरे हत्येप्रकरणी अटकेत असलेला संशयित आरोपी डॉ. वीरेंद्रसिंह तावडे याच्या जामिनासाठी जिल्हा व सत्र न्यायाधीश एल. डी. बिले यांच्यासमोर सुनावणी सुरू आहे. पोलिसांनी घेतलेल्या साक्षींमध्ये विसंगती असल्याने वीरेंद्र तावडे याला जामीन मंजूर करावा, अशी मागणी संशयिताचे वकील समीर पटवर्धन यांनी कोर्टात केली होती. शनिवारी विशेष सरकारी वकील हर्षद निंबाळकर यांनी युक्तिवाद केला. ते म्हणाले, 'तावडेच्या विरोधात पोलिसांकडे भक्कम पुरावे असून, तो कटाचा सूत्रधार आहे. तो सनातन संस्थेचा पूर्णवेळ साधक आहे. १९९९ ते २००४ या काळात त्याने कोल्हापुरात प्रमुख संघटक म्हणून काम केले आहे. कॉम्रेड पानसरे यांनी करवीर पीठाचार्यांविरोधात काढलेल्या मोर्चानंतर तावडेने पानसरेंच्या विरोधात मोर्चा काढला होता. पानसरेंचे लेखन आणि भाषणांना त्याचा विरोध होता. फरार आरोपी विनय पवार आणि सारंग आकोलकर याच्याशी त्याचा इमेलद्वारे संपर्क होता. पानसरे यांच्या हत्येदिवशी तावडे पनवेलच्या राहत्या घरी नव्हता. त्याच दिवशी त्याने हत्येतील पहिला संशयित समीर गायकवाड याच्याशी मोबाइलवरून संपर्क साधला. याचे कॉल डिटेल्स पोलिसांना मिळाले आहेत. साक्षीदार संजय साडविलकर याच्या जबाबानुसार तावडेच शस्त्र पुरवण्यासाठी कोल्हापुरात आला होता. त्यानेच पवार आणि आकोलकर या दोघांना साडविलकरकडे पाठवले होते. सीबीआयनेही तावडेचा जामीन फेटाळला आहे. जामीन मंजूर झाल्यास तो पवार आणि आकोलकर यांच्याप्रमाणे फरार होऊ शकतो, त्यामुळे या कोर्टात तावडेला जामीन मिळू नये.'
अॅड. निंबाळकर यांनी संशयितांचे वकील समीर पटवर्धन यांनी मांडलेले मुद्दे खोडून काढत तावडे हाच गुन्ह्याचा मास्टरमाइंड असल्याचा दावा कोर्टात केला. तावडेनेच आकोलकर आणि पवार या दोघांना गुन्ह्यासाठी तयार केले. त्याने खरेदी केलेल्या दुचाकीची माहिती पोलिसांना दिली नाही. पुढील तपासासाठी तावडे कोठडीत असणे गरजेचे असल्याचे मत त्यांनी व्यक्त केले. दोन्ही बाजूचा युक्तीवाद ऐकल्यानंतर न्यायाधीश एल. डी. बिले यांनी ३० जानेवारीला निर्णय होईल, असे सांगितले. यावेळी कोर्टात मेघा पानसरे, दिलीप पवार, जामिनावरील संशयित आरोपी समीर पटवर्धन, अॅड. शिवाजी राणे, आदी उपस्थित होते.
'सनातन संस्थेचा पूर्णवेळ साधक डॉ. वीरेंद्रसिंह तावडे हाच कॉम्रेड गोविंद पानसरे यांच्या हत्येमागील मास्टरमाइंड आहे. कोल्हापुरात तो सनातन संस्थेचा संघटक म्हणून कार्यरत होता. फरार आरोपी विनय पवार आणि सारंग आकोलकर या दोघांशी तावडेचा संबंध होता. याशिवाय पानसरेंची हत्या झाली त्यादिवशी तावडे आणि समीर गायकवाड या दोघांमध्ये मोबाइलवरून संभाषणही झाले आहे. त्याच्याविरोधात भक्कम पुरावे असल्याने कोर्टाने जामीन मंजूर करू नये,' असा युक्तिवाद विशेष सरकारी वकील हर्षद निंबाळकर यांनी शनिवारी जिल्हा व सत्र न्यायालयात केला. तावडेच्या जामिनावर ३० जानेवारीला निर्णय होणार आहे.
कॉम्रेड गोविंद पानसरे हत्येप्रकरणी अटकेत असलेला संशयित आरोपी डॉ. वीरेंद्रसिंह तावडे याच्या जामिनासाठी जिल्हा व सत्र न्यायाधीश एल. डी. बिले यांच्यासमोर सुनावणी सुरू आहे. पोलिसांनी घेतलेल्या साक्षींमध्ये विसंगती असल्याने वीरेंद्र तावडे याला जामीन मंजूर करावा, अशी मागणी संशयिताचे वकील समीर पटवर्धन यांनी कोर्टात केली होती. शनिवारी विशेष सरकारी वकील हर्षद निंबाळकर यांनी युक्तिवाद केला. ते म्हणाले, 'तावडेच्या विरोधात पोलिसांकडे भक्कम पुरावे असून, तो कटाचा सूत्रधार आहे. तो सनातन संस्थेचा पूर्णवेळ साधक आहे. १९९९ ते २००४ या काळात त्याने कोल्हापुरात प्रमुख संघटक म्हणून काम केले आहे. कॉम्रेड पानसरे यांनी करवीर पीठाचार्यांविरोधात काढलेल्या मोर्चानंतर तावडेने पानसरेंच्या विरोधात मोर्चा काढला होता. पानसरेंचे लेखन आणि भाषणांना त्याचा विरोध होता. फरार आरोपी विनय पवार आणि सारंग आकोलकर याच्याशी त्याचा इमेलद्वारे संपर्क होता. पानसरे यांच्या हत्येदिवशी तावडे पनवेलच्या राहत्या घरी नव्हता. त्याच दिवशी त्याने हत्येतील पहिला संशयित समीर गायकवाड याच्याशी मोबाइलवरून संपर्क साधला. याचे कॉल डिटेल्स पोलिसांना मिळाले आहेत. साक्षीदार संजय साडविलकर याच्या जबाबानुसार तावडेच शस्त्र पुरवण्यासाठी कोल्हापुरात आला होता. त्यानेच पवार आणि आकोलकर या दोघांना साडविलकरकडे पाठवले होते. सीबीआयनेही तावडेचा जामीन फेटाळला आहे. जामीन मंजूर झाल्यास तो पवार आणि आकोलकर यांच्याप्रमाणे फरार होऊ शकतो, त्यामुळे या कोर्टात तावडेला जामीन मिळू नये.'
अॅड. निंबाळकर यांनी संशयितांचे वकील समीर पटवर्धन यांनी मांडलेले मुद्दे खोडून काढत तावडे हाच गुन्ह्याचा मास्टरमाइंड असल्याचा दावा कोर्टात केला. तावडेनेच आकोलकर आणि पवार या दोघांना गुन्ह्यासाठी तयार केले. त्याने खरेदी केलेल्या दुचाकीची माहिती पोलिसांना दिली नाही. पुढील तपासासाठी तावडे कोठडीत असणे गरजेचे असल्याचे मत त्यांनी व्यक्त केले. दोन्ही बाजूचा युक्तीवाद ऐकल्यानंतर न्यायाधीश एल. डी. बिले यांनी ३० जानेवारीला निर्णय होईल, असे सांगितले. यावेळी कोर्टात मेघा पानसरे, दिलीप पवार, जामिनावरील संशयित आरोपी समीर पटवर्धन, अॅड. शिवाजी राणे, आदी उपस्थित होते.