कोल्हापूर
महाराष्ट्र विधान मंडळ अंदाज समिती शुक्रवारी (ता.२४) व शनिवारी (ता.२५) दोन दिवस कोल्हापूर दौऱ्यावर येत आहे. आमदार अनिल कदम यांच्या अध्यक्षतेखालील या समितीत २४ आमदार आहेत. राज्य आणि केंद्र सरकारकडून विविध विकासकामांसाठी आलेला निधी आणि त्याचा वापर याची तपासणी या समितीकडून होणार आहे. महापालिका, नगरपालिका, नगरपंचायत, सार्वजनिक बांधकाम विभाग, राज्य उत्पादन शुल्क, परिवहन, अन्न व नागरी पुरवठा, महसूल, वन विभाग, अन्न व औषध प्रशासन, वैद्यकीय विभाग, उद्योग, उर्जा, कामगार, ग्रामीण विकास, सहकार व पणण, पाणी पुरवठा, पर्यावरण स्वच्छता, आदी विभागांना दिलेला निधी, खर्च झालेला निधी, कामांचा दर्जा याची तपासणी केली जाणार आहे.