अ‍ॅपशहर

बेपत्ता पो‌लिसांचा शोध घेण्याचे आदेश

सांगली : वारणानगरमधील कोट्यवधींच्या चोरीप्रकरणी गुन्हा दाखल झाल्यापासून पसार असलेल्या निलंबित पोलिस अधिकारी, कर्मचाऱ्यांचा शोध घेण्याची जबाबदारी सांगलीच्या स्थानिक गुन्हे अन्वेषण शाखेवर सोपविण्यात आली आहे. तसे आदेश राज्य गुन्हे अन्वेषण ( सीआयडी) विभागाने सांगली पोलिसांना दिले असल्याचे गुरुवारी सांगण्यात आले. संबंधित संशयित पोलिस अधिकारी, कर्मचारी दोन महिन्यांहून अधिक काळ बेपत्ता आहेत.

Maharashtra Times 9 Jun 2017, 3:00 am
सांगली : वारणानगरमधील कोट्यवधींच्या चोरीप्रकरणी गुन्हा दाखल झाल्यापासून पसार असलेल्या निलंबित पोलिस अधिकारी, कर्मचाऱ्यांचा शोध घेण्याची जबाबदारी सांगलीच्या स्थानिक गुन्हे अन्वेषण शाखेवर सोपविण्यात आली आहे. तसे आदेश राज्य गुन्हे अन्वेषण ( सीआयडी) विभागाने सांगली पोलिसांना दिले असल्याचे गुरुवारी सांगण्यात आले. संबंधित संशयित पोलिस अधिकारी, कर्मचारी दोन महिन्यांहून अधिक काळ बेपत्ता आहेत.
महाराष्ट्र टाइम्स.कॉम warananager loot follow up
बेपत्ता पो‌लिसांचा शोध घेण्याचे आदेश

सांगली पोलिस दलाकडील तत्कालीन स्थानिक गुन्हे अन्वेषण शाखेच्या पोलिस अधिकारी, कर्मचाऱ्यांनी एका वर्षापूर्वी बेथेलहेमनगर ( मिरज) येथे सुमारे तीन कोटी रुपयांची रोकड पकडण्याची कारवाई केली होती. ही कारवाई करताना चोरटा मैनुद्दिन मुल्लाला ताब्यात घेतले. त्यानंतर त्याच्या मदतीने पोलिस निरीक्षक विश्वनाथ घनवट, सहायक निरीक्षक सुरज चंदनशिवे, सहायक फौजदार शरद कुरळपकर, हवालदार दीपक पाटील, शंकर पाटील, रवींद्र पाटील, कुलदीप कांबळे आदींनी पुन्हा वारणानगरमधील शिक्षक कॉलनीत जाऊन कोट्यवधींची रोकड चोरली. पहिल्यांदा ६ कोटी रुपये आणि दुसऱ्यावेळी ३ कोटी १८ लाख अशी एकूण ९ कोटी १८ लाख रुपयांची रोकड चोरल्याचा गुन्हा संबधितांच्या विरोधात कोडोली पोलिसात दाखल आहे. या प्रकरणाचा तपास सीआयडीमार्फत सुरु आहे. सर्वच संशयीतांनी अटकपूर्व जामीन मिळवण्यासाठी धडपड केली. पण त्यांना जामीन मिळू शकला नाही. त्यानंतर सीआयडीच्या पथकाने त्या सहाही जणांचा शोध घेतला. परंतु अद्यापही ते सापडलेले नाहीत. त्यामुळे आता त्या सातही संशयीतांना शोधून काढण्याचे आदेश स्थानिक गुन्हे अन्वेषण शाखेला देण्यात आले आहे. पोलिस निरिक्षक बाजीराव पाटील यांच्या मार्गदर्शनाखाली स्वतंत्र पथक तयार करुन संबधितांचा शोध घेण्यात येत असल्याचे सांगण्यात आले.

महत्वाचे लेख

Marathi News App: तुम्हालाही तुमच्या अवतीभवती होत असलेल्या बदलांमध्ये सहभागी व्हायचं आहे? सिटिझन रिपोर्टर अॅप डाउनलोड करा आणि रिपोर्ट्स पाठवा.
ताज्या बातम्यांसह अपडेट राहण्यासाठी लाइक करा Maharashtra Times फेसबुकपेज