कोल्हापूर: शहरातंर्गत पाणी वितरणासाठी महापालिकेच्या पाणीपुरवठा विभागाकडून बांधण्यात आलेल्या साठवणूक टाक्यांची स्वच्छता करण्यात येणार आहे. त्यासाठी मंगळवारी प्रशासनाने निविदा प्रसिद्ध केली आहे. दोन डिसेंबर रोजी प्रक्रिया पूर्ण झाल्यानंतर प्रत्यक्ष कामाला सुरुवात होईल. आपटेनगर, पुईखडी, साळोखेनगर, राजारामपुरी, टेंबलाईवाडी, कावाळा नाका आदी ठिकाणी उंच टाक्या बांधण्यात आलेल्या उंच टाक्याद्वारे पाणी वितरण केले जाते. त्याचबरोबर अनेकठिकाणी भूमीगत टाक्याही आहेत. शिंगणापूर व बालिंगा पंपिंग हाऊसमधून उपसा केलेले पाणी थेट या टाकीमध्ये येत असल्याने पाण्याबरोबर गाळही वाहून येतो. हा गाळ काढण्याचे नियोजन प्रशासनाने केले आहे. त्यासाठी निविदा प्रसिद्ध केली आहे. ३० नोव्हेंबर पर्यंत निविदा दाखल करण्याची अंतिम मूदत असून दोन डिसेंबर रोजी निविदा खुली करण्यात येणार आहे.
पाणी साठवणूक टाक्या स्वच्छ होणार
शहरातंर्गत पाणी वितरणासाठी महापालिकेच्या पाणीपुरवठा विभागाकडून बांधण्यात आलेल्या साठवणूक टाक्यांची स्वच्छता करण्यात येणार आहे...
महाराष्ट्र टाइम्स.कॉम 13 Nov 2019, 4:00 am