औरनाळ (ता. गडहिंग्लज) येथे शेतात पिकाची मळणी करीत असताना वीज पडून शेतकरी महिलेचा मृत्यू झाला. संगीता अजित नाईक (वय ३६) असे महिलेचे नाव आहे. पोलिसांतून मिळालेल्या माहितीनुसार, औरनाळ येथे रविवारी दुपारी सव्वाचारच्या सुमारास ही घटना घडली. संगीता या शेतामध्ये भाताची मळणी करीत असताना त्यांच्या अंगावर वीज पडली. यामध्ये त्या गंभीररित्या भाजल्या. त्यांना उपचारासाठी उपजिल्हा रुग्णालयात दाखल केले असता उपचारापूर्वी त्यांचे निधन झाले. शवविच्छेदन करून मृतदेह नातेवाईकांच्या ताब्यात देण्यात आला. त्यांच्या पश्चात पती, दोन मुली, मुलगा, सासू असा परिवार आहे.
औैरनाळमध्ये वीजपडून महिलेचा मृत्यू
औरनाळ (ता. गडहिंग्लज) येथे शेतात पिकाची मळणी करीत असताना वीज पडून शेतकरी महिलेचा मृत्यू झाला.
Maharashtra Times 25 Sep 2017, 3:00 am