कोल्हापूर
गर्दीचा फायदा घेऊन टेंबलाइवाडी येथे देवीच्या दर्शनासाठी आलेल्या महिलेचे तीन तोळ्याचे गंठण अज्ञाताने लंपास केले. मंगल महादेव गुंजळे (वय ६०, रा. गजानन महाराजनगर, कोल्हापूर) यांनी राजारामपुरी पोलिसांत तक्रार दाखल केली. गजानन महाराज नगर परिसरातील गुंजळे या टेंबलाइवाडी येथे देवीच्या दर्शनासाठी आल्या होत्या. दर्शनासाठी मोठी गर्दी होती, या गर्दीचा फायदा घेऊन अज्ञाताने तीन तोळ्याचे ७० हजार रुपये किंमतीचे गंठण लंपास केले.