इचलकरंजी
फुड प्रोसेसिंग प्रोजेक्ट उभारणीचे आमिष दाखवून २५ लाख रुपयांची फसवणूक केल्याप्रकरणी प्रदीप बंडू सुतार (रा. महावीर कॉलनी) याला शिवाजीनगर पोलिसांनी अटक केली. त्याला येथील न्यायालयात हजर केले असता दोन दिवसांची पोलिस कोठडी सुनावण्यात आली. सुतार हा पोलिस उपअधिक्षक विनायक नरळे यांच्या मर्जीतील असल्याची तक्रार यापूर्वी तक्रारदार राजू दीपक सवाईराम (रा. आयजीएम रोड) यांनी मुख्यमंत्री आणि कोल्हापूर परिक्षेत्राचे पोलिस महानिरिक्षक विश्वास नांगरे-पाटील यांच्याकडे केली होती. या तक्रारीची दखल घेत शिवाजीनगर पोलिसांना गुन्हा दाखल करण्याचे आदेश देण्यात आले होते. त्यानुसार हा गुन्हा दाखल झाला आहे.
तक्रादार राजू सवाईराम हे वायरमनचे काम करतात. एका कामातून सवाईराम यांची सुतार याच्याशी ओळख झाली. त्यातून सन २०१३ मध्ये सुतार याने सवाईराम यांना भागीदारीमध्ये फुड प्रोसेसिंग प्रोजेक्ट सुरु करण्याचे सांगून तसेच मुद्रा योजनेतून कर्ज उपलब्ध करुन देण्याचे आमिष दाखविले. त्यासाठी सवाईराम यांच्याकडून त्याने वेळोवेळी २५ लाख रुपये घेतले. त्यानंतर प्रोजेक्ट संदर्भात सुतार याच्याकडे चौकशी करता त्याने प्रोजेक्टसाठी २५ लाख रुपयांचे अनुदान सरकारकडून आले असून कागलमधील एचडीएफसी बँकेच्या खात्यात पैसे जमा झाल्याचे सांगितले. मात्र प्रोजेक्ट संदर्भात कोणताही समाधानकारक खुलासा सुतार याच्याकडून केला जात नसल्याने आपली फसगत झाल्याचे सवाईराम यांच्या लक्षात आले. त्यामुळे सवाईराम यांनी सुतार याच्याकडे पैशांसाठी तगादा लावला. वारंवारच्या तगाद्यानंतर सुतार याने सवाईराम यांना दोन धनादेश दिले. त्यापैकी एक धनादेश वटला. तर दुसरा धनादेश परत आला. त्यानंतर सुतार हा तगादा चुकविण्यासाठी बेपत्ता झाला होता. तक्रारदारानेच त्याला शोधून आणून शिवाजीनगर पोलिसात हजर केले. पण पोलिसांनी फसवणूक प्रकरणी चौकशीनंतरच गुन्हा दाखल करण्यात येईल अशी भूमिका घेतली. त्यानुसार सोमवारी सुतार याला ताब्यात घेऊन दिवसभर कसून चौकशी केली. तक्रारदार व सुतार यांच्यातील चौकशीमध्ये फसवणूक झालेल्या रकमेचा घोळ मात्र कायम राहिला. सुतार याने काही रक्कम घेतल्याचे कबूल केल्यानंतर पोलिसांनी त्याच्यावर फसवणुकीचा गुन्हा दाखल केला.
फुड प्रोसेसिंग प्रोजेक्ट उभारणीचे आमिष दाखवून २५ लाख रुपयांची फसवणूक केल्याप्रकरणी प्रदीप बंडू सुतार (रा. महावीर कॉलनी) याला शिवाजीनगर पोलिसांनी अटक केली. त्याला येथील न्यायालयात हजर केले असता दोन दिवसांची पोलिस कोठडी सुनावण्यात आली. सुतार हा पोलिस उपअधिक्षक विनायक नरळे यांच्या मर्जीतील असल्याची तक्रार यापूर्वी तक्रारदार राजू दीपक सवाईराम (रा. आयजीएम रोड) यांनी मुख्यमंत्री आणि कोल्हापूर परिक्षेत्राचे पोलिस महानिरिक्षक विश्वास नांगरे-पाटील यांच्याकडे केली होती. या तक्रारीची दखल घेत शिवाजीनगर पोलिसांना गुन्हा दाखल करण्याचे आदेश देण्यात आले होते. त्यानुसार हा गुन्हा दाखल झाला आहे.
तक्रादार राजू सवाईराम हे वायरमनचे काम करतात. एका कामातून सवाईराम यांची सुतार याच्याशी ओळख झाली. त्यातून सन २०१३ मध्ये सुतार याने सवाईराम यांना भागीदारीमध्ये फुड प्रोसेसिंग प्रोजेक्ट सुरु करण्याचे सांगून तसेच मुद्रा योजनेतून कर्ज उपलब्ध करुन देण्याचे आमिष दाखविले. त्यासाठी सवाईराम यांच्याकडून त्याने वेळोवेळी २५ लाख रुपये घेतले. त्यानंतर प्रोजेक्ट संदर्भात सुतार याच्याकडे चौकशी करता त्याने प्रोजेक्टसाठी २५ लाख रुपयांचे अनुदान सरकारकडून आले असून कागलमधील एचडीएफसी बँकेच्या खात्यात पैसे जमा झाल्याचे सांगितले. मात्र प्रोजेक्ट संदर्भात कोणताही समाधानकारक खुलासा सुतार याच्याकडून केला जात नसल्याने आपली फसगत झाल्याचे सवाईराम यांच्या लक्षात आले. त्यामुळे सवाईराम यांनी सुतार याच्याकडे पैशांसाठी तगादा लावला. वारंवारच्या तगाद्यानंतर सुतार याने सवाईराम यांना दोन धनादेश दिले. त्यापैकी एक धनादेश वटला. तर दुसरा धनादेश परत आला. त्यानंतर सुतार हा तगादा चुकविण्यासाठी बेपत्ता झाला होता. तक्रारदारानेच त्याला शोधून आणून शिवाजीनगर पोलिसात हजर केले. पण पोलिसांनी फसवणूक प्रकरणी चौकशीनंतरच गुन्हा दाखल करण्यात येईल अशी भूमिका घेतली. त्यानुसार सोमवारी सुतार याला ताब्यात घेऊन दिवसभर कसून चौकशी केली. तक्रारदार व सुतार यांच्यातील चौकशीमध्ये फसवणूक झालेल्या रकमेचा घोळ मात्र कायम राहिला. सुतार याने काही रक्कम घेतल्याचे कबूल केल्यानंतर पोलिसांनी त्याच्यावर फसवणुकीचा गुन्हा दाखल केला.