म. टा. प्रतिनिधी, कोल्हापूर
दहावीची परीक्षा पास झाल्यानंतर वडिलांनी नवीन दुचाकी न दिल्याच्या रागातून मुलाने घरात गळफास घेऊन आत्महत्येचा प्रयत्न केला. वसगडे (ता. करवीर) येथे बुधवारी (ता. १७) सकाळी हा प्रकार घडला. सुदैवाने या घटनेतून तरुण बचावला. दत्तात्रय महादेव गवळी (वय १८) असे त्याचे नाव आहे.
दत्तात्रय गवळी हा सध्या अकरावीच्या वर्गात शिकतो. त्याचे वडील महादेव हे खासगी कंपनीत काम करतात. दहावी पास झाल्यानंतर त्याने नवीन दुचाकी मिळावी असा हट्ट वडिलांकडे धरला होता. गेल्या दोन दिवसांपासून तो सतत वडिलांकडे दुचाकीची मागणी करीत होता. लगेच दुचाकी मिळणार नाही, असे वडिलांनी सांगितल्यानंतर चिडलेल्या दत्तात्रयने बुधवारी सकाळी राहत्या घरात लोखंडी अँगलला दोरीने गळफास घेऊन आत्महत्येचा प्रयत्न केला. हा प्रकार लक्षात येताच वडिलांनी त्याला तातडीने खासगी वाहनातून उपचारासाठी सीपीआरमध्ये दाखल केले. उपचारानंतर त्याच्या प्रकृतीत सुधारणा झाली आहे. या घटनेची नोंद सीपीआर पोलिस चौकीत झाली आहे.
दहावीची परीक्षा पास झाल्यानंतर वडिलांनी नवीन दुचाकी न दिल्याच्या रागातून मुलाने घरात गळफास घेऊन आत्महत्येचा प्रयत्न केला. वसगडे (ता. करवीर) येथे बुधवारी (ता. १७) सकाळी हा प्रकार घडला. सुदैवाने या घटनेतून तरुण बचावला. दत्तात्रय महादेव गवळी (वय १८) असे त्याचे नाव आहे.
दत्तात्रय गवळी हा सध्या अकरावीच्या वर्गात शिकतो. त्याचे वडील महादेव हे खासगी कंपनीत काम करतात. दहावी पास झाल्यानंतर त्याने नवीन दुचाकी मिळावी असा हट्ट वडिलांकडे धरला होता. गेल्या दोन दिवसांपासून तो सतत वडिलांकडे दुचाकीची मागणी करीत होता. लगेच दुचाकी मिळणार नाही, असे वडिलांनी सांगितल्यानंतर चिडलेल्या दत्तात्रयने बुधवारी सकाळी राहत्या घरात लोखंडी अँगलला दोरीने गळफास घेऊन आत्महत्येचा प्रयत्न केला. हा प्रकार लक्षात येताच वडिलांनी त्याला तातडीने खासगी वाहनातून उपचारासाठी सीपीआरमध्ये दाखल केले. उपचारानंतर त्याच्या प्रकृतीत सुधारणा झाली आहे. या घटनेची नोंद सीपीआर पोलिस चौकीत झाली आहे.