लातूरमध्ये थरारक घटना; चारित्र्यावर संशय घेत चिरला पत्नीचा गळा, दोघांची प्रकृती गंभीर

लातूर : पत्नीच्या चारित्र्यावर संशय घेत तिचा गळा चिरून स्वत: आत्महत्या करण्याचा प्रयत्न पतीने केला. लातूरमधील कुलस्वामिनी नगरमध्ये ही थरारक घटना घडली आहे. घटनेची माहिती मिळताच एमआयडीसी पोलिस निरीक्षक मिरकले त्यांच्या साथीदारांसह तत्काळ घटना स्थळी पोहचले.

घटनेत जखमी झालेल्या पती-पत्नीला उपचारासाठी रुग्णालयात दाखल करण्यात आले आहे. दोघांचीही प्रकृती गंभीर आहे. या घटनेतील महिलेचे नाव अंकिता जाधव आहे. तर तिच्या पतीचे नाव प्रवीण जाधव आहे. या प्रकरणी पोलिसांनी घटना स्थळाचा पंचनामा केला. गुन्हा नोंद करण्याची प्रक्रिया करण्यात येत आहे. या घटनेमुळे परिसरात खळबळ उडाली आहे. तसंच हळहळ व्यक्त केली जात आहे.

गुंडगिरीचा कळस! शिवी दिली म्हणून नग्न करून अमानुष मारहाण, ११ जणांकडून धक्कादायक कृत्य

काही महिन्यांपूर्वीच कुलस्वामिनी नगरला लागूनच असलेल्या अवंती नगरमध्ये माहेरी आलेल्या पत्नीचा गळा चिरून हत्या केल्याची घटना घडली होती. आता कुलस्वामिनी नगरमध्ये घडलेल्या या घटनेवरून त्या घटनेची आठवण पुन्हा ताजी झाली आहे.

विद्यार्थ्यांना घेऊन जाणाऱ्या बसला अपघात, मोठा अनर्थ टळला