गुंडगिरीचा कळस! शिवी दिली म्हणून नग्न करून अमानुष मारहाण, ११ जणांकडून धक्कादायक कृत्य

लातूर : गेल्या काही महिन्यापूर्वी लातूरमध्ये एका बारावीतील विद्यार्थ्यांचा कत्तीने वार करून भर दिवसा खून करण्यात आला होता. यानंतर आता पुन्हा एकदा या शिक्षणाच्या पंढरीला काळीमा फासणारी घटना समोर आली आहे. इथं बारावीत शिकणाऱ्या एका अल्पवयीन विद्यार्थ्याने इंस्टाग्रामवरून शिवी दिली म्हणून त्याचे सिने स्टाईल अपहरण करत त्याला चक्क नग्न करून अमानुषपणे मारहाण केली.

इतकंच नाहीतर ११ जणांनी मिळून जीवे मारण्याचा प्रयत्न केल्याचंही समोर आलं आहे. पोलिसांच्या सतर्कतेमुळे या विद्यार्थ्याचा जीव वाचला असला तरी त्याला गंभीर दुखापत झाली आहे. या प्रकरणी पोलिसांनी पाच जणांना अटक केली असून सहाजण अद्याप फरार आहेत. आरोपींपैकी दोघेजण सराईत गुन्हेगार आहेत तर इतर नऊजण त्याचे हस्तक म्हणून काम करतात. या प्रकारामुळे लातूरमधील विद्यार्थ्यांमध्ये चांगलीच दहशत पसरली आहे.

करुणा शर्मा-मुंडेंच्या अडचणी वाढल्या, पतीसोबत अनैतिक संबंध असल्याचा पुण्यातील महिलेचा आरोप
एक शांत शहर म्हणून लातूरची ओळख आहे. त्यात शिक्षण क्षेत्रात लातूरने वेगळा पॅटर्न निर्माण केला. त्यामुळे शहरात बाहेरून येणाऱ्या विद्यार्थ्यांची संख्या मोठी आहे. मात्र, येथील वाढत्या गुन्हेगारीमुळे विद्यार्थ्यांमध्ये दहशत होत असून यामुळे पालकांची चिंता वाढली आहे.