असं काय घडलं की पुलावरून उडी घेत केली आत्महत्या, परिसरात खळबळ; बघ्यांची गर्दी

लातूर : लातूर बार्शी रोडवरील लातूर शहरालागून असलेल्या रेल्वे उड्डाण पुलावरून उडी मारून एका ४५ वर्षीय व्यक्तीने आज सकाळी आत्महत्या केल्याची घटना घडली आहे. या व्यक्तीचा जागीच मृत्यू झाला. वाहन चालक आणि परिसरातील लोकांनी या ठिकाणी मोठी गर्दी केली. ही माहिती एमआयडीसी पोलिसांना कळतात त्यांनी तात्काळ घटनास्थळी धाव घेतली.

या व्यक्तीची अद्याप ओळख पटली नसून एमआयडीसी पोलीस अधिक तपास करीत आहेत. शुभविच्छेदनासाठी या मयत व्यक्तीला स्वर्गीय विलासराव देशमुख शासकीय वैद्यकीय महाविद्यालयात घेऊन जाण्यात येणार असल्याचे एमआयडीसी पोलिसांनी सांगितले. दरम्यान, या घटनेमुळे लातूर बार्शी रोडवरील ट्राफिक जाम झाली होती पोलिसांनी हस्तक्षेप करत ट्रॅफिक सुरळीत करण्याचा प्रयत्न केला.

दुर्मिळ! ९ वर्षाच्या अवनीचे हृदय वयोवृद्ध व्यक्तीसारखे, हार्ट ॲटक आल्यानंतरही डॉक्टर ठरले देवदूत
घटनास्थळी या व्यक्तीची ओळख पटवण्याचं काम सुरू असून त्याने आत्महत्या का केली? याचं कारण अद्याप कळू शकलेलं नाही. त्यामुळे हा मयत व्यक्ती कुठला, कोण असावा, असं काय घडलं की या व्यक्तीने आत्महत्या करण्याचे टोकाचे पाऊल उचलले? याचा शोध सुरू असून घटनास्थळी या व्यक्तीला पाहण्यासाठी नागरिकांनी गर्दी केली आहे.