दहावीच्या विद्यार्थ्यांसाठी सराव परीक्षा

म. टा. प्रतिनिधी, मुंबई

दहावीच्या परीक्षेमध्ये चांगले मार्क मिळावे यासाठी अभ्यासासोबतच लिहिण्याचा सरावही गरजेचा असतो. त्यासाठी २०१८-१९ या शैक्षणिक वर्षी दहावीच्या परीक्षेला बसलेल्या विद्यार्थ्यांसाठी सराव परीक्षा सत्र घेण्यात येणार आहे. प्रसिद्ध आणि अनुभवी शिक्षिका शैलजा मुळे यांनी यासाठी पुढाकार घेतला असून प्रश्नपत्रिका सोडवण्याचे तंत्र आत्मसात करण्यासाठी या सराव परीक्षा सत्रांच्या माध्यमातून मदत करण्यात येणार आहे.

विद्यार्थ्यांना त्यांनी केलेला अभ्यास, उत्तरे लिहिण्याची पद्धत अंतिम परीक्षेत मार्क मिळवण्यासाठी योग्य आहे का, याची कल्पना वेळीच येणे गरजेचे असते. प्रश्नपत्रिका सोडवून विषयाची तयारी करणे, उत्तरपत्रिका अर्हताप्राप्त शिक्षकांकडून तपासून घेणे यामुळे विद्यार्थ्यांना तयारीचा अंदाज येतो आणि परीक्षेबद्दल भीती राहत नाही. विद्यार्थ्यांमधील आत्मविश्वासही वाढतो. त्यासाठी या परीक्षा सत्राचे आयोजन करण्यात आले आहे. इंग्रजी माध्यमासाठी असलेल्या या उपक्रमाविषयी अधिक माहिती मिळवण्यासाठी संपर्क- माहीम- ९८२०६४६११५, विलेपार्ले- ९८२००१७८४६, गोरेगाव- ९७६९२२७२१७, कांदिवली- ९७६९२२७२१९