‘दहावी निकाल वेळेतच’

मुंबई ः दहावीच्या निकालाबाबत सध्या व्हॉट्सअॅप व अन्य सोशल नेटवर्किंग साइटवर वेगवेगळ्या अफवा पसरवल्या जात आहेत. त्यामुळे विद्यार्थी आणि पालकांमध्ये संभ्रमाचे वातावरण असून, अशा अफवांवर विश्वास न ठेवण्याचे आवाहन शिक्षणमंत्री विनोद तावडे यांनी मंगळवारी केले. तसेच निकाल वेळेतच लागेल, असे आश्वासनही त्यांनी यावेळी दिले.

राज्य शिक्षण मंडळातर्फे घेण्यात आलेल्या दहावी बोर्डाच्या निकालाकडे सर्वांचे लक्ष लागले आहे. मात्र सध्या सोशल मीडियावर या निकालासंदर्भात वेगवेगळ्या घोषणा होत आहेत.