१६७ किलो गांजा जप्त

महिलेसह दोघांना अटक

म. टा. खास प्रतिनिधी, मुंबई

अंमली पदार्थविरोधी पथकाने एका कारवाईत सुमारे ३४ लाख रुपये मूल्याचा १६७ किलो गांजा हस्तगत केला आहे. अंमली पदार्थविरोधी पथकाच्या घाटकोपर युनिटने विक्रोळी येथे बुधवारी एका गाडीतून हा गांजा जप्त केला. या प्रकरणी परवीन जाफरी (४०), तौसिफ खान (१९) या दोघांना अटक केली आहे.

विक्रोळीतील टागोरनगर येथे गांजाची वाहतूक होणार असल्याची खबर विक्रोळी युनिटचे पोलिस निरीक्षक शशांक शेळके यांना मिळाली. पथकाचे उपायुक्त शिवदीप लांडे यांच्या मार्गदर्शनानुसार तिथे सापळा रचण्यात आला. जेव्हीएलआर मार्गावर एका संशयास्पद गाडीच्या तपासणीत गांजा सापडला. परवीन ही साकीनाक्यातील ९० फूट मार्गावरील सत्यनगरमध्ये आणि तौसिफ हा नालासोपारा येथे राहतो. या दोघांविरोधात गुन्हा नोंदवण्यात आला आहे.