म. टा. विशेष प्रतिनिधी, मुंबई
करोना संसर्गाला अटकाव करण्यासाठी चाचण्यांचा वेग वाढवण्याची गरज सातत्याने व्यक्त केली जात होती. त्यानुसार राज्यात आत्तापर्यंत करोनासंबंधी २३ लाख एक हजार ५१४ नमुने तपासण्यात आले आहेत. यातील १८ लाख ४४ हजार ३८ म्हणजे ८०.१२ टक्के नमुने निगेटिव्ह आले आहेत, तर पॉझिटिव्ह नमुन्यांचे प्रमाण १९.८८ टक्के इतके आहे.
वैद्यकीय शिक्षण व संशोधन विभागाने प्रसिद्ध केलेल्या अहवालानुसार, सार्वजनिक प्रयोगशाळांमध्ये ११ लाख ८६ हजार ६७५ नमुने तपासण्यात आले, तर खासगी प्रयोगशाळांमध्ये ११ लाख १४ हजार ८३९ नमुन्यांची तपासणी झाली. यात सार्वजनिक प्रयोगशाळांमधील ८३.२२ टक्के नमुने निगेटिव्ह आले, तर पॉझिटिव्ह नमुन्यांचे प्रमाण १६.७८ टक्के आहे. खासगी प्रयोगशाळांमधील निगेटिव्ह नमुन्यांचे प्रमाण ७६.८२, तर पॉझिटिव्ह नमुन्यांचे प्रमाण २३.१८ टक्के आहे.
प्रयोगशाळांमध्ये करण्यात येणाऱ्या स्वॅब चाचण्यांसह करोनासाठी अँटिबॉडी चाचण्यांची संख्या मोठ्या प्रमाणात वाढवण्यात आली आहे. चाचण्यांचा वेग वाढल्यानंतर एका पॉझिटिव्ह रुग्णाच्या संपर्कात येणाऱ्या जवळजवळ ११ ते १३ व्यक्तींचा शोध घेण्यात येतो. त्यांची अँटिबॉडी चाचणी करण्यात आली आहे. ती पॉझिटिव्ह आल्यास संबंधिताला विलगीकरण प्रक्रियेमध्ये समाविष्ट केले जाते. मात्र निगेटिव्ह आल्यास पुन्हा स्वॅब चाचणी केली जाते. 'एम्स' या मध्यवर्ती आरोग्य संस्थेच्या अहवालात सार्वजनिक प्रयोगशाळांमध्ये अधिक चाचण्या करण्याची गरज व्यक्त करण्यात आली होती.
मुंबईतही वाढल्या चाचण्या
मुंबईमध्ये ३ फेब्रुवारी ते ६ मे या तीन महिन्यांत एक लाख चाचण्या करण्यात आल्या होत्या. त्यानंतर पुढील १५ दिवसांत एक लाख चाचण्या वाढून एकून चाचण्यांची संख्या दोन लाखांवर गेली. २४ जूनला तीन लाख चाचण्यांचा टप्पा पूर्ण झाला असून, २९ जुलैला पाच लाख व ३ ऑगस्टला हा आकडा पाच लाख ५२ हजारांवर पोहोचला आहे.
करोना संसर्गाला अटकाव करण्यासाठी चाचण्यांचा वेग वाढवण्याची गरज सातत्याने व्यक्त केली जात होती. त्यानुसार राज्यात आत्तापर्यंत करोनासंबंधी २३ लाख एक हजार ५१४ नमुने तपासण्यात आले आहेत. यातील १८ लाख ४४ हजार ३८ म्हणजे ८०.१२ टक्के नमुने निगेटिव्ह आले आहेत, तर पॉझिटिव्ह नमुन्यांचे प्रमाण १९.८८ टक्के इतके आहे.
वैद्यकीय शिक्षण व संशोधन विभागाने प्रसिद्ध केलेल्या अहवालानुसार, सार्वजनिक प्रयोगशाळांमध्ये ११ लाख ८६ हजार ६७५ नमुने तपासण्यात आले, तर खासगी प्रयोगशाळांमध्ये ११ लाख १४ हजार ८३९ नमुन्यांची तपासणी झाली. यात सार्वजनिक प्रयोगशाळांमधील ८३.२२ टक्के नमुने निगेटिव्ह आले, तर पॉझिटिव्ह नमुन्यांचे प्रमाण १६.७८ टक्के आहे. खासगी प्रयोगशाळांमधील निगेटिव्ह नमुन्यांचे प्रमाण ७६.८२, तर पॉझिटिव्ह नमुन्यांचे प्रमाण २३.१८ टक्के आहे.
प्रयोगशाळांमध्ये करण्यात येणाऱ्या स्वॅब चाचण्यांसह करोनासाठी अँटिबॉडी चाचण्यांची संख्या मोठ्या प्रमाणात वाढवण्यात आली आहे. चाचण्यांचा वेग वाढल्यानंतर एका पॉझिटिव्ह रुग्णाच्या संपर्कात येणाऱ्या जवळजवळ ११ ते १३ व्यक्तींचा शोध घेण्यात येतो. त्यांची अँटिबॉडी चाचणी करण्यात आली आहे. ती पॉझिटिव्ह आल्यास संबंधिताला विलगीकरण प्रक्रियेमध्ये समाविष्ट केले जाते. मात्र निगेटिव्ह आल्यास पुन्हा स्वॅब चाचणी केली जाते. 'एम्स' या मध्यवर्ती आरोग्य संस्थेच्या अहवालात सार्वजनिक प्रयोगशाळांमध्ये अधिक चाचण्या करण्याची गरज व्यक्त करण्यात आली होती.
मुंबईतही वाढल्या चाचण्या
मुंबईमध्ये ३ फेब्रुवारी ते ६ मे या तीन महिन्यांत एक लाख चाचण्या करण्यात आल्या होत्या. त्यानंतर पुढील १५ दिवसांत एक लाख चाचण्या वाढून एकून चाचण्यांची संख्या दोन लाखांवर गेली. २४ जूनला तीन लाख चाचण्यांचा टप्पा पूर्ण झाला असून, २९ जुलैला पाच लाख व ३ ऑगस्टला हा आकडा पाच लाख ५२ हजारांवर पोहोचला आहे.