अ‍ॅपशहर

मुंबईतून ३ दिवसात २६ पाकिस्तानी बेपत्ता

मुंबईत जुहूमध्ये गेल्या दहा वर्षापासून रहात असलेले २६ पाकिस्तानी नागरीक अचानक गायब झाले आहेत. त्यांच्या बेपत्ता होण्याने प्रशासकीय यंत्रणा सतर्क झाल्या आहेत. पोलिसांची विविध पथकं आता या २६ नागरिकांच्या शोधात आहेत. गेल्या दोन ते तीन दिवसात हे पाकिस्तानी नागरीक बेपत्ता झाले आहेत, अशी माहिती गुप्तचर विभागाने दिली आहे.

Maharashtra Times 13 May 2017, 3:16 pm
मटा ऑनलाइन वृत्त । मुंबई
महाराष्ट्र टाइम्स.कॉम 26 pakistanis go missing in mumbai
मुंबईतून ३ दिवसात २६ पाकिस्तानी बेपत्ता


मुंबईत जुहूमध्ये गेल्या दहा वर्षापासून रहात असलेले २६ पाकिस्तानी नागरीक अचानक गायब झाले आहेत. त्यांच्या बेपत्ता होण्याने प्रशासकीय यंत्रणा सतर्क झाल्या आहेत. पोलिसांची विविध पथकं आता या २६ नागरिकांच्या शोधात आहेत. गेल्या दोन ते तीन दिवसात हे पाकिस्तानी नागरीक बेपत्ता झाले आहेत, अशी माहिती गुप्तचर विभागाने दिली आहे. जुहूसह जवळपासच्या परिसरातील हॉटेल्स, लॉज आणि इतर संशयित ठिकाणी पोलीसांचा तपास सुरू आहे.

बेपत्ता पाकिस्तानी नागरिकांच्या प्रश्नावर मुंबई पोलिसातील एकही अधिकारी माध्यमांशी बोलण्यास तयार नाही. पण महाराष्ट्र एटीएसला या २६ बेपत्ता नागरिकांना शोधून काढण्याची जबाबदारी देण्यात आली आहे, अशी माहिती सूत्रांनी दिली. या पाकिस्तानी नागरिकांनी सी-फॉर्ममध्ये आपले वास्तव्य नेमके कुठल्या ठिकाणी आहे आणि ते कुणाला भेटण्यासाठी आले आहेत, याची पूर्ण माहितीच दिलेली नाही.

सी-फॉर्मच्या आधारावर पाकिस्तानी नागरिकांचा शोध घेण्यात आला. पण त्या ठिकाणांवर ते आढळून न आल्याने त्यानंतर त्यांच्या शोधासाठी वेगाने तपासाची चक्रे फिरली. महाराष्ट्र एटीएसने मुंबईतील सर्व हॉटेल्स आणि लॉजमध्ये त्यांच्या शोधासाठी पथकं रवाना केली आहेत. इंडियन मुजाहिद्दीनचे काही दहशतवादी मुंबईत येऊन येथील परिस्थितीवर जवळून लक्ष ठेवून आहेत, अशी माहिती सुरक्षा यंत्रणांना काही दिवसांपूर्वी मिळाली होती. यामुळे पाकिस्तानी नागरिकांच्या बेपत्ता होण्याने सुरक्षा यंत्रणा सतर्क झाल्या आहेत.

महत्वाचे लेख

Marathi News App: तुम्हालाही तुमच्या अवतीभवती होत असलेल्या बदलांमध्ये सहभागी व्हायचं आहे? सिटिझन रिपोर्टर अॅप डाउनलोड करा आणि रिपोर्ट्स पाठवा.
ताज्या बातम्यांसह अपडेट राहण्यासाठी लाइक करा Maharashtra Times फेसबुकपेज